ചാമ്പ്യന്‍സ് ലീഗ് ; പിഎസ്ജീക്കെതിരെ ആധിപത്യ വിജയം നേടി ആഴ്സണല്‍
തങ്ങളുടെ ആദ്യ മത്സരത്തിൽ ഇറ്റാലിയൻ ടീമായ അറ്റലാൻ്റയോട് സമനില വഴങ്ങിയതിന് ശേഷം ആഴ്സണല്‍ സട കുടഞ്ഞു എഴുന്നേറ്റിരിക്കുന്നു.കഴിഞ്ഞ വർഷത്തെ സെമിഫൈനലിസ്റ്റുകൾ ആയ പിഎസ്ജിക്കെതിരെ എതിരില്ലാത്ത രണ്ടു ഗോള്‍ വിജയം നേടിയ ആഴ്സണല്‍ ഈ സീസണിലെ ആദ്യ ചാമ്പ്യന്‍സ് ലീഗ് വിജയം നേടി എടുത്തു.അതും വളരെ സ്റ്റൈല്‍ ആയി തന്നെ.
ജിറോണയ്‌ക്കെതിരായ ആദ്യ മത്സരത്തിൽ വിജയിച്ച പിഎസ്ജി കിണഞ്ഞു പരിശ്രമം നടത്തി എങ്കിലും പല ഷോട്ടുകളും പോസ്റ്റില്‍ തട്ടി തെറിക്കുകയായിരുന്നു.20 ആം മിനുട്ടില്‍ ട്രോസാര്‍ഡ് നല്കിയ ക്രോസില്‍ നിന്നും ഒരു മികച്ച ഹെഡറിലൂടെ ജർമ്മനി ഫോർവേഡ് ഹാവേർട്സ് ആഴ്സണലിന് ലീഡ് നേടി കൊടുത്തു.35 ആം മിനുട്ടില്‍ തന്നെ ഫൌള്‍ ചെയ്തത് മൂലം ലഭിച്ച ഒരു ഫ്രീ കിക്കില്‍ നിന്നു തന്നെ സാക്കയും ടീമിന് വേണ്ടി രണ്ടാം ഗോള്‍ നേടി.അദ്ദേഹത്തിന്റെ ലോ ഷോട്ടിന്‍റെ ലക്ഷ്യം കണക്ക് കൂട്ടുന്നതില്‍ പിഎസ്ജി കീപ്പര്‍ ഡൊണാറുമക്ക് പിഴച്ചു.
