വെസ്റ്റ് ഹാമിനെ കരാബോ കപ്പിൽ ലിവർപൂൾ മുക്കി താഴ്ത്തി !!!!!!!
ഡിയോഗോ ജോട്ടയും കോഡി ഗാക്‌പോയും രണ്ടു വീതം ഗോളുകള്‍ നേടിയപ്പോള്‍ ലിവര്‍പൂള്‍ വെസ്റ്റ് ഹാമിനെ ഒന്നിനെതിരെ അഞ്ചു ഗോളുകള്‍ക്ക് പരാജയപ്പെടുത്തി.ഇവരെ കൂടാതെ സ്റ്റാര്‍ വിങര്‍ ശാലയും സ്കോര്‍ബോര്‍ഡില്‍ ഇടം നേടി.വെസ്റ്റ് ഹാമിന് വേണ്ടി ആശ്വാസ ഗോള്‍ നേടിയത് ലിവര്‍പൂള്‍ ഡിഫണ്ടര്‍ ആയ ജാറല്‍ ക്വാൻസഹ് ആയിരുന്നു.
76-ാം മിനിറ്റിൽ എഡ്സൺ അൽവാരസ് രണ്ടാം മഞ്ഞക്കാർഡ് കണ്ടതോടെ വെസ്റ്റ്ഹാം 10 പേരായി ചുരുങ്ങി.അതാണ് ലിവര്‍പൂളിനെ പിച്ചില്‍ കൂടുതല്‍ മുന്നേറാന്‍ ആയി സഹായിച്ചത്.കഴിഞ്ഞ സീസണിൽ റെക്കോഡ് പത്താം ലീഗ് കപ്പ് കിരീടം റെഡ്സ് പിടിച്ചെടുത്തു.ഇതവണയും അതേ ട്രോഫി നിലനിര്‍ത്താന്‍ തന്നെ ആണ് തങ്ങളുടെ ഉദ്ദേശം എന്നും മല്‍സരശേഷം ജോട്ട മാധ്യമങ്ങളോട് പറഞ്ഞു.ഓരോ മല്‍സരം കഴിയും തോറും ലിവര്‍പൂള്‍ പിച്ചില്‍ കൂടുതല്‍ അപകടക്കാരികള്‍ ആയി മാറി തുടങ്ങി.
