പ്രീമിയര്‍ ലീഗ് ; വിജയവഴിയില്‍ തുടരാന്‍ ചെല്‍സി
പ്രീമിയര്‍ ലീഗില്‍ അഞ്ചാമത്തെ മല്‍സരത്തിന് തയ്യാര്‍ എടുക്കുന്ന ചെല്‍സി ഇന്ന് അവരുടെ മൂന്നാമത്തെ വിജയം റജിസ്റ്റര്‍ ചെയ്യാന്‍ ശ്രമിക്കും.ഇന്നതെ മല്‍സരത്തില്‍ ലണ്ടന്‍ ബ്ലൂസ് വെസ്റ്റ് ഹാം യുണൈറ്റഡിനെ ആണ് നേരിടാന്‍ പോകുന്നത്.നാല് മല്‍സരങ്ങളില്‍ നിന്നും വെറും ഒരു ജയം മാത്രം നേടിയ ഇവര്‍ ലീഗ് പട്ടികയില്‍ പതിനാലാം സ്ഥാനത്ത് ആണ്.ചെല്‍സി ആകട്ടെ എട്ടാം സ്ഥാനത്തും.
ഇന്ന് ഇന്ത്യന്‍ സമയം അഞ്ചു മണിക്ക് വെസ്റ്റ് ഹാം ഹോം ഗ്രൌണ്ട് ആയ ലണ്ടന്‍ സ്റ്റേഡിയത്തില്‍ വെച്ചാണ് മല്‍സരം നടക്കാന്‍ പോകുന്നത്.കഴിഞ്ഞ സീസണില്‍ ഈ രണ്ടു ടീമുകളും ഏറ്റുമുട്ടിയപ്പോള്‍ അന്ന് എതിരില്ലാത്ത അഞ്ചു ഗോളിന് ആയിരുന്നു ചെല്‍സി വെസ്റ്റ് ഹാമിനെ പരാജയപ്പെടുത്തിയത്.അതേ ഫോമില്‍ തന്നെ ഇന്നും കളിച്ച് മുന്നേറാന്‍ ആയിരിയ്ക്കും മാനേജര്‍ എൻസോ മരെസ്ക കരുതി ഇരിക്കുന്നത്.നിലവില്‍ ചെല്‍സി മാനേജ്മെന്റില്‍ വലിയ പ്രശ്നങ്ങള്‍ പലതും ഉണ്ടാവുന്നുണ്ട് എങ്കിലും മാനേജര്‍ എന്ന നിലയില്‍ അദ്ദേഹം വളരെ ശാന്തമായാണ് കാര്യങ്ങള്‍ കൈകാര്യം ചെയ്യുന്നത്.
