ചെന്നായിക്കളെ തല്ലി ഓട്ടിച്ച് മാഗ്പികൾ
ലീഗ് പട്ടികയില്‍ പതിനേഴാം സ്ഥാനത്ത് ഉള്ള വൂള്‍വ്സിനെതിരെ അങ്ങനെ ഒന്നും തോറ്റ് കൊടുക്കാന്‍ ഉള്ള മനസ്സ് ന്യൂ കാസില്‍ യുണൈറ്റഡിന് ഉണ്ടായിരുന്നില്ല.ഇന്നലെ നടന്ന മല്‍സരത്തില്‍ ഒന്നിനെതിരെ രണ്ടു ഗോളുകള്‍ക്ക് ആണ് ന്യൂ കാസില്‍ ചെന്നായ്ക്കളെ പരാജയപ്പെടുത്തിയത്.ജയത്തോടെ ന്യൂ കാസില്‍ ലീഗ് പട്ടികയില്‍ മൂന്നാം സ്ഥാനത്തേക്ക് കയറി.
സീസണിലെ ആദ്യ ലീഗ് വിജയം ഇതുവരെ നേടാത്ത വൂള്‍വ്സ് 36 ആം മിനുട്ടില്‍ ഗോള്‍ നേടി കൊണ്ട് ന്യൂ കാസില്‍ യുണൈറ്റഡിനെ ഞെട്ടിച്ചു.മരിയോ ലെമിനയാണ് സ്കോര്‍ബോര്‍ഡില്‍ ഇടം നേടിയത്.സമനില ഗോളിനായി ന്യൂ കാസില്‍ ഏറെ പൊരുതി.ഒടുവില്‍ ഭാഗ്യം അവരെ പിന്തുണച്ചത് 75 ആം മിനുട്ടില്‍ ആയിരുന്നു.മികച്ച ഒരു ലോങ് റേഞ്ച് ഷൂട്ടിലൂടെ സ്വിസ് താരം ഫാബിയൻ ഷാർ ആണ് ന്യൂ കാസിലിന് വലിയ ഒരു ബ്രേക്ക് നല്‍കിയത്.അഞ്ചു മിനുട്ടിനുള്ളില്‍ മറ്റൊരു ലോങ് റേഞ്ചിലൂടെ ഹാർവി ബാൺസ് ന്യൂ കാസിലിന് വിജയ ഗോള്‍ നേടി കൊടുത്തു.നാല് മല്‍സരങ്ങളില്‍ നിന്നും മൂന്നു തോല്‍വി നേരിട്ടു കൊണ്ട് വൂള്‍വ്സ് വളരെ മോശം തുടക്കം ആണ് കാഴ്ചവെച്ചിരിക്കുന്നത്.
