ബാഴ്സയുടെ പുതിയ ക്യാപ്റ്റന്‍ ആയി മാർക്ക്-ആന്ദ്രെ ടെർ സ്റ്റെഗന്‍ നിയമിക്കപ്പെടും !!!!!!!
വരും ദിവസങ്ങളിൽ ബാഴ്സലോണ തങ്ങളുടെ പുതിയ ക്ലബ് ക്യാപ്റ്റനായി മാർക്ക്-ആന്ദ്രെ ടെർ സ്റ്റെഗനെ നിയമിക്കുമെന്ന് പ്രതീക്ഷിക്കുന്നു.അടുത്ത വാരാന്ത്യത്തിൽ ആരംഭിക്കുന്ന പുതിയ ലാ ലിഗ കാമ്പെയ്‌നിന് മുന്നോടിയായി തന്നെ ഇത് ഒഫീഷ്യല്‍ ആക്കാനുള്ള തിരക്കില്‍ ആണ് ബാഴ്സലോണ.ക്യാപ്റ്റൻ സെർജി റോബർട്ടോ കരാർ പൂര്‍ത്തിയാക്കി പോവുന്നത് മൂലം ആണ് ജര്‍മന്‍ താരത്തിനു ഈ അവസരം ലഭിച്ചിരിക്കുന്നത്.
കഴിഞ്ഞ സീസണിൽ ടെർ സ്റ്റെഗൻ ബാഴ്‌സലോണയുടെ വൈസ് ക്യാപ്റ്റനായിരുന്നു.2014-ൽ ബൊറൂസിയ മോൺചെൻഗ്ലാഡ്ബാച്ചിൽ നിന്ന് ചേർന്നതിന് ശേഷം ബാഴ്‌സലോണയുടെ ഏറ്റവും കൂടുതൽ കാലം സേവിക്കുന്ന നിലവിലെ കളിക്കാരനാണ് ടെർ സ്റ്റെഗൻ.അദ്ദേഹം ഇപ്പോള്‍ തന്നെ ഒരു ക്ലബ് ഇതിഹാസം ആയി മാറി കഴിഞ്ഞു.അഞ്ച് ലാ ലിഗ, അഞ്ച് കോപ്പ ഡെൽ റേ കിരീടങ്ങളും കൂടാതെ ഒരു യുവേഫ ചാമ്പ്യൻസ് ലീഗ് കിരീടവും കാറ്റലൂണിയന്‍ ക്ലബുമായി താരം നേടിയിട്ടുണ്ട്.
