ഒളിമ്പിക്സ് ഫൈനലില്‍ ഇടം നേടി ഫ്രാന്‍സ് ഫൂട്ബോള്‍ ടീം
തങ്ങളുടെ നാട്ടില്‍ നടക്കുന്ന ഒളിമ്പിക്സ് സെമി ഫൈനല്‍ മല്‍സരത്തില്‍ ഫ്രാന്‍സ് ഈജിപ്റ്റിനെ പരാജയപ്പെടുത്തി ഫൈനല്‍ ബെര്‍തില്‍ ഇടം നേടി.ഫൈനലില്‍ യൂറോപ്പിയന്‍ ചാമ്പ്യന്മാര്‍ ആയ സ്പെയിനിനെ അവര്‍ നേരിടും.ഒരു ഗോളിന് പിന്നില്‍ നിന്ന ശേഷം ആണ് ഫ്രാന്‍സ് തിരിച്ചുവരവ് യാഥാര്‍ഥ്യം ആക്കിയത്.62 ആം മിനുട്ടില്‍ മഹമൂദ് സാബർ നേടിയ ഗോളില്‍ ഈജിപ്റ്റ് ലീഡ് നേടി.
83 ആം മിനുട്ടില്‍ ജീൻ-ഫിലിപ്പ് മറ്റെറ്റയുടെ ഗോളില്‍ ആണ് ഫ്രാന്‍സ് ഒടുവില്‍ സമനില നേടിയത്.അത് കഴിഞ്ഞ് മല്‍സരം എക്സ്ട്രാ ടൈമിലേക്ക് നീണ്ടപ്പോള്‍ ഈജിപ്പ്ശ്യന്‍ താരമായ ഒമർ ഫായിദിന് റെഡ് കാര്‍ഡ് ലഭിച്ചതു മല്‍സരത്തിന്റെ ഗതിയെ മാറ്റിമറച്ചു.ഒടുവില്‍ ആദ്യ ഗോള്‍ നേടിയ ജീൻ-ഫിലിപ്പ് മറ്റെറ്റ തന്നെ ഫ്രാന്‍സിന് ലീഡും നേടി കൊടുത്തു.108 ആം മിനുട്ടില്‍ മൈക്കൽ ഒലിസയുടെ ഗോളിലൂടെ തിരിച്ചുവരാനുള്ള ഒരു പഴുതും അവര്‍ ഈജിപ്റ്റിന് നല്‍കിയില്ല.
