ലോക ടെസ്റ്റ് ചാമ്പ്യൻഷിപ്പ് :വെസ്റ്റ് ഇൻഡീസിനെതിരായ രണ്ടാം ടെസ്റ്റിലെ ജയത്തോടെ ഇംഗ്ലണ്ട് ആറാം സ്ഥാനത്തേക്ക് ഉയർന്നു, ഒന്നാം സ്ഥാനത്ത് ഇന്ത്യ

 

നോട്ടിംഗ്ഹാമിലെ ട്രെൻ്റ് ബ്രിഡ്ജിൽ നടന്ന രണ്ടാം ടെസ്റ്റിൽ വെസ്റ്റ് ഇൻഡീസിനെതിരായ 241 റൺസിൻ്റെ വിജയത്തോടെ ഇംഗ്ലണ്ട് ലോക ടെസ്റ്റ് ചാമ്പ്യൻഷിപ്പ് സ്റ്റാൻഡിംഗിൽ ആറാം സ്ഥാനത്തേക്ക് ഉയർന്നു.

ടെസ്റ്റ് പരമ്പരയിലെ തുടർച്ചയായ രണ്ടാം തോൽവിക്ക് ശേഷം വെസ്റ്റ് ഇൻഡീസ് അവസാന സ്ഥാനത്തേക്ക് വീണു. 12 മത്സരങ്ങൾ കഴിഞ്ഞപ്പോൾ ഇംഗ്ലണ്ടിന് അഞ്ച് ജയവും ആറ് തോൽവിയും ഒരു സമനിലയുമായി 31.25 ശതമാനം പോയിൻ്റും വെസ്റ്റ് ഇൻഡീസിന് ഇതുവരെ ആറ് മത്സരങ്ങളിൽ നിന്ന് ഒരു ജയവും നാല് തോൽവിയും ഒരു സമനിലയുമായി 22.22 ശതമാനം പോയിൻ്റുമുണ്ട്. പോയിന്റ് പട്ടികയിൽ ഇന്ത്യ ഒന്നാം സ്ഥാനത്താണ്.

ഇന്ത്യക്ക് 9 കളികളിൽ നിന്ന് 6 ജയവും 2 തോൽവിയും ഒരു സമനിലയുമായി 68.51 ശതമാനം പോയിൻ്റുമുണ്ട്. രണ്ടാം സ്ഥാനത്ത് ഓസ്‌ട്രേലിയയും മൂന്നാം സ്ഥാനത്ത് ന്യൂസിലൻഡുമാണ്. ഓസ്‌ട്രേലിയക്ക് 12 കളികളിൽ നിന്ന് 8 ജയവും 3 തോൽവിയും ഒരു സമനിലയുമായി 62.50 ശതമാനം പോയിൻ്റുമുണ്ട്. അതേസമയം ന്യൂസിലൻഡിന് 6 കളികളിൽ നിന്ന് 3 ജയവും 3 തോൽവിയുമായി50 ശതമാനം പോയിൻ്റുമുണ്ട്