സൌഹൃദ മല്‍സരം ; യുണൈറ്റഡിന് ജയം , മിലാന് സമനില കുരുക്ക്
സ്കോട്ടിഷ് ക്ലബ് ആയ റെഞ്ചര്‍സ് ടീമിനെതിരെ ഇന്നലെ കളിച്ച സൌഹൃദ മല്‍സരത്തില്‍ യുണൈറ്റഡിന് ജയം.കഴിഞ്ഞ മല്‍സരത്തില്‍ നോര്‍വീജിയന്‍ ക്ലബ് ആയ റോസൻബർഗ് ബോൾക്ലബിനെതിരെ പരാജയപ്പെട്ടതിന്റെ ക്ഷീണത്തില്‍ ആണ് ഇന്നലെ യുണൈറ്റഡ് കളിയ്ക്കാന്‍ ഇറങ്ങിയത്.എന്നാല്‍ എതിരില്ലാത്ത രണ്ടു ഗോളിന് റെഞ്ചര്‍സിനെ അവര്‍ പഞ്ഞിക്കിട്ടു.അര്‍മാഡ് ഡിയാലോ,ജോ ഹ്യൂഗില്‍ എന്നിവര്‍ ആണ് യുണൈറ്റഡിന് വേണ്ടി ഗോള്‍ നേടിയത്.
ഇന്നലെ നടന്ന മറ്റൊരു സൌഹൃദ മല്‍സരത്തില്‍ എസി മിലാനെ ഓസ്ട്രിയന്‍ ക്ലബ് ആയ എസ് കെ റാപ്പിഡ് വീൻ സമനിലയില്‍ കുരുക്കി.പല പ്രധാന താരങ്ങള്‍ വിശ്രമ വേളയില്‍ ആയിരുന്നതിനാല്‍ മിലാന് റിസേര്‍വ് താരങ്ങളെ വെച്ചാണ് കളിപ്പിച്ചത്.ആദ്യ ഗോള്‍ നേടാന്‍ ഓസ്ട്രിയന്‍ പ്രതിരോധം മിലാനെ സമ്മതിപ്പിച്ചില്ല.എന്നാല്‍ 64 ആം മിനുട്ടില്‍ മിലാന് ഫുള്‍ ബാക്ക് അലസ്സാൻഡ്രോ ഫ്ലോറൻസിയുടെ ഗോളില്‍ അവര്‍ ലീഡ് നേടി എടുത്തു.ഇത് കഴിഞ്ഞു മല്‍സരം ജയിക്കും എന്ന അവരുടെ അമിത ആത്മവിശ്വാസത്തിന് പണി കൊടുത്ത് യുവ പ്രതിരോധ താരം ഫുർകാൻ ഡെമിർ സ്കോര്‍ബോര്‍ഡില്‍ ഇടം നേടി.അടുത്ത മല്‍സരത്തില്‍ മിലന്‍ സിറ്റിയെ നേരിടും.
