ടി20 ലോകകപ്പ് : ഇന്ത്യയ്‌ക്കെതിരെ ടോസ് നേടിയ ഓസ്‌ട്രേലിയ ഫീൽഡിംഗ് തിരഞ്ഞെടുത്തു
ടി20 ലോകകകപ്പിൽ ഇന്ന് ഇന്ടയും ഓസ്‌ട്രേലിയയും തമ്മിൽ ഏറ്റുമുട്ടും. 2024 ജൂൺ 24-ന് ഡാരൻ സാമി നാഷണൽ ക്രിക്കറ്റ് സ്റ്റേഡിയത്തിൽ നടക്കുന്ന ആവേശകരമായ പോരാട്ടമായിരിക്കും ഇന്ത്യ ഓസ്‌ട്രേലിയയെമത്സരം. ഇന്ത്യയ്‌ക്കെതിരെ ടോസ് നേടിയ ഓസ്‌ട്രേലിയ ഫീൽഡിംഗ് തിരഞ്ഞെടുത്തു. കഴിഞ്ഞ മത്സരത്തിലെ ടീമിനെ തന്നെയാണ് ഇന്ത്യ നിലനിർത്തിയിരുന്നത്. ഓസ്‌ട്രേലിയൻ ടീമിൽ ഒരു മാറ്റം ആണ് വരുത്തിയിരിക്കുന്നത്. സ്റ്റാർക് ടീമിൽ തിരിച്ചെത്തി.
ഇന്ത്യ അൽപ്പം എളുപ്പമുള്ള സ്ഥാനത്താണ്, എന്നാൽ രണ്ട് ടീമുകളും അവരുടെ അവസാന സൂപ്പർ 8 മത്സരങ്ങളിൽ ഏറ്റുമുട്ടുമ്പോൾ ഇന്ത്യ ഓസ്‌ട്രേലിയയെ നിസ്സാരമായി കാണാൻ ആഗ്രഹിക്കുന്നില്ല. സെമിഫൈനലിലേക്ക് യോഗ്യത നേടണമെങ്കിൽ ഓസ്‌ട്രേലിയക്ക് ഈ മത്സരം ജയിച്ചേ മതിയാകൂ, പക്ഷേ ഇന്ത്യക്ക് അതിന് ബാധ്യതയില്ല.കൂടാതെ കഴിഞ്ഞ മത്സരത്തിൽ ഓസ്‌ട്രേലിയ അഫ്ഗാനിസ്ഥാനോട് തോറ്റു എന്നത് കണക്കിലെടുക്കുമ്പോൾ ഇന്നത്തെ മത്സരത്തിൽ ഓസ്‌ട്രേലിയ അവരുടെ ഏറ്റവും മികച്ച പുറത്തെടുക്കാനുള്ള ശ്രമത്തിലാകും. ടൂർണമെൻ്റിലുടനീളം തോൽവിയറിയാതെ ആത്മവിശ്വാസത്തോടെയാണ് ഇന്ത്യ കളിക്കാനിറങ്ങുന്നത്. 50 ഓവർ ലോകകപ്പിൻ്റെ ഫൈനലിലെ ഹൃദയഭേദകമായ തോൽവിക്ക് ഏറ്റവും നാടകീയമായും ഉചിതമായും പ്രതികാരം ചെയ്യാനുള്ള ഒരു വെല്ലുവിളിയായും സുവർണ്ണാവസരമായും അവർ ഈ മത്സരത്തെ കാണും.
