തകർപ്പൻ ബാറ്റിങ്ങുമായി ഷായ് ഹോപ്പ് : യുഎസ്എയ്ക്കെതിരെ അനായാസ ജയവുമായി വെസ്റ്റിൻഡീസ്

ടി 20 ലോകകപ്പിൽ ഇന്ന് നടന്ന വിൻഡീസ് യുഎസ്എ മൽസരത്തിൽ വിൻഡീസിന് അനായാസ ജയം. ആദ്യം ബാറ്റ് ചെയ്ത യുഎസ്എ 19.5 ഓവറിൽ 128 റൺസിന് ഓൾഔട്ടായി. മറുപടി ബാറ്റിങ്ങിനിന്നിറങ്ങിയ വിൻഡോസ് 10.5 ഓവറിൽ വിജയലക്ഷ്യം മാറികടന്നു. ഷായ് ഹോപ്പിന്റെ വെടിക്കെട്ട് ബാറ്റിങ്ങാണ് വിൻഡീസിനെ അനായാസ വിജയത്തിലേക്ക് എത്തിച്ചത്.

ടോസ് നേടിയ വിൻഡീസ് യുഎസ്എയെ ബാറ്റിങ്ങിനയക്കുകയായിരുന്നു. തുടക്കം മുതൽ പിഴച്ച യുഎസ്എയ്ക്ക് കാര്യമായി ഒന്നും ചെയ്യാൻ കഴിഞ്ഞില്ല. കൃത്യമായ ഇടവേളകളിൽ അവർക്ക് വിക്കറ്റുകൾ നഷ്ടമായി. 29 റൺസ് നേടിയ ആൻഡ്രീസ് ഗൗസ്ആണ് ടോപ്സ്കോറർ. ബൗളിങ്ങിൽ റസൽ റോസ്റ്റൺ ചേസ് എന്നിവർ മൂന്ന് വിക്കറ്റ് വീതം നേടി. മറുപടി ബാറ്റിങ്ങിൽ മികച്ച തുടക്കമാണ് വിൻഡീസ് നടത്തിയത്. ഒന്നാം വിക്കറ്റിൽ ഹോപ്പും ചാൾസും ചേർന്ന് 67 റൺസ് നേടി. പിന്നീട് ഹോപ്പിനൊപ്പം ചേർന്ന പൂരനൻ ടീമിനെ അനായാസ വിജയത്തിലേക്ക് നയിച്ചു. 39 പന്തിൽ 4 ഫോറും 8 സിക്സും ഉൾപ്പെടെ 82 റൺസെടുത്ത ഷായ് ഹോപ്പാണ് ഹീറോ.