യൂറോ 2024: ഇംഗ്ലണ്ട് ടീമിൽ നിന്ന് റാഷ്ഫോർഡ് പുറത്ത്; യുവ താരങ്ങള്‍ക്ക് അവസരം !!!!!!
ഇംഗ്ലണ്ട് മാനേജർ ഗാരെത് സൗത്ത്ഗേറ്റ് തൻ്റെ താൽക്കാലിക 33 അംഗ ടീമിനെ യൂറോ 2024-നായി പ്രഖ്യാപിച്ചു.ടീമില്‍ മാർക്കസ് റാഷ്‌ഫോർഡിനോ ജോർദാൻ ഹെൻഡേഴ്സണിനോ സ്ഥാനമില്ല.എന്നാല്‍ എബെറെച്ചി ഈസെ, മാർക്ക് ഗുഹി, കോബി മൈനൂ എന്നിവര്‍ക്ക് ഇംഗ്ലണ്ട് ടീമില്‍ സ്ഥാനം ലഭിച്ചു.ലിവർപൂളിൻ്റെ കർട്ടിസ് ജോൺസ്, ജാരെൽ ക്വാൻസ, എവർട്ടൻ്റെ ജറാഡ് ബ്രാൻ്റ്‌വെയ്റ്റ്, ക്രിസ്റ്റൽ പാലസ് മിഡ്‌ഫീൽഡർ ആദം വാർട്ടൺ, ബേൺലി ഗോൾകീപ്പർ ജെയിംസ് ട്രാഫോർഡ്- ഇംഗ്ലണ്ട് ടീമിന് വേണ്ടി കളിയ്ക്കാന്‍ ആദ്യമായി അവസരം ലഭിച്ച താരങ്ങള്‍ ആണിത്.
കോൾ പാമർ, ആൻ്റണി ഗോർഡൻ, ഒല്ലി വാറ്റ്കിൻസ് എന്നിവർക്ക് അവസരം നല്കാന്‍ ആയിരുന്നു സൌത്ത് ഗേറ്റിന്‍റെ തീരുമാനം.ഫുട്ബോൾ അസോസിയേഷൻ വാതുവെപ്പ് നിയമങ്ങൾ ലംഘിച്ചതിന് എട്ട് മാസത്തെ സസ്‌പെൻഷനിൽ നിന്ന് ജനുവരിയിൽ തിരിച്ചെത്തിയ ബ്രെൻ്റ്‌ഫോർഡ് ഫോർവേഡ് ഇവാൻ ടോണിയെയും സൌത്ത് ഗേറ്റ് ഉൾപ്പെടുത്തി.മാഞ്ചസ്റ്റർ സിറ്റിയുടെ കിരീടം നേടിയ കാമ്പെയ്‌നിൽ വെറും 10 ലീഗ് മത്സരങ്ങൾ ആരംഭിച്ചിട്ടും ജാക്ക് ഗ്രീലിഷിനും കോള്‍ ലഭിച്ചു.
