യൂറോ 2024 ലെ വാര്‍ ടീമിൻ്റെ ഭാഗമായി യുവേഫ സ്റ്റുവർട്ട് ആറ്റ്വെലിനെ തിരഞ്ഞെടുത്തു
സ്റ്റുവർട്ട് ആറ്റ്‌വെൽ, ഈ വേനൽക്കാലത്തെ യൂറോപ്യൻ ചാമ്പ്യൻഷിപ്പിനായി ഇംഗ്ലണ്ടിൽ നിന്നുള്ള രണ്ട് വാര്‍ ഉദ്യോഗസ്ഥരില്‍ ഒരാള്‍ ആയി തിരഞ്ഞെടുക്കപ്പെട്ടു.ഞായറാഴ്ച എവർട്ടന്‍ – നോട്ടിംഗ്‌ഹാം ഫോറസ്റ്റ് മല്‍സരത്തിന് ശേഷം ഇദ്ദേഹത്തിനു നേരെ വളരെ ഏറെ വിമര്‍ശനം ഉയര്‍ന്നു നില്‍ക്കുന്നുണ്ട്.റഫറിക്കെതിരെയും പ്രീമിയര്‍ ലീഗിന്റെ നടത്തിപ്പിനെതിരെയും വളരെ ഏറെ വിമര്‍ശനം ഉയരുന്നുണ്ട്.
ഈ സമയത്ത് തന്നെ അദ്ദേഹത്തിനെ ഇംഗ്ലണ്ടില്‍ യൂറോയിലേക്ക് പറഞ്ഞു അയക്കുന്നത് വിമര്‍ശനത്തിന്റെ വ്യാപ്തി വര്‍ദ്ധിപ്പിക്കും.മൂന്ന് പെനാൽറ്റി അപ്പീലുകൾ നിരസിക്കപ്പെട്ട ഞായറാഴ്ചത്തെ പ്രീമിയർ ലീഗ് മത്സരത്തിൽ നിന്നുള്ള വാര്‍ ഓഡിയോ റിലീസ് ചെയ്യണമെന്ന് അഭ്യർത്ഥിച്ച് ഫോറസ്റ്റ് രംഗത്ത് എത്തിയിട്ടുണ്ട്.ഈ വേനൽക്കാലത്തെ യൂറോയ്‌ക്കായി പ്രീമിയര്‍ ലീഗില്‍ നിന്നും എട്ട് ഇംഗ്ലീഷ് ഉദ്യോഗസ്ഥരെ യുവേഫ തിരഞ്ഞെടുത്തു.റഫറിമാരായ മൈക്കൽ ഒലിവർ, ആൻ്റണി ടെയ്‌ലർ, അസിസ്റ്റൻ്റ് റഫറിമാരായ ഗാരി ബെസ്വിക്ക്, സ്റ്റുവർട്ട് ബർട്ട്, ഡാൻ കുക്ക്, ആദം നൂൺ എന്നിവരും വീഡിയോ അസിസ്റ്റൻ്റ് റഫറിമാരായി പ്രവർത്തിക്കുന്ന സ്റ്റുവർട്ട് ആറ്റ്‌വെൽ, ഡേവിഡ് കൂട്ട് എന്നിവരും പ്രധാന ടൂർണമെൻ്റിനായി തിരഞ്ഞെടുക്കപ്പെട്ട ഒരു എലൈറ്റ് ഗ്രൂപ്പിൻ്റെ ഭാഗമാണ്.
