ഒസാസുനയെ തോൽപ്പിച്ച് ബാഴ്സ ; സ്പാനിഷ് സൂപ്പർകോപ്പ ഫൈനലിൽ എല്‍ക്ലാസ്സിക്കോ
സൗദി അറേബ്യയിൽ വ്യാഴാഴ്ച നടന്ന സ്പാനിഷ് സൂപ്പർകോപ്പ സെമിഫൈനലിൽ ഒസാസുനയ്‌ക്കെതിരെ ബാഴ്‌സലോണ എതിരില്ലാത്ത രണ്ടു ഗോളിന് ജയം നേടി.ബാഴ്സക്ക് വേണ്ടി റോബര്‍ട്ട് ലെവന്‍ഡോസ്ക്കി,യമാല്‍ എന്നിവര്‍ സ്കോര്‍ബോര്‍ഡില്‍ ഇടം നേടി.ഡെർബിയിൽ എതിരാളികളായ അത്‌ലറ്റിക്കോ മാഡ്രിഡിനെ 5-3 നു തകര്‍ത്ത റയല്‍ മാഡ്രിഡിനെ ആയിരിയ്ക്കും കറ്റാലന്‍ ക്ലബ് നേരിടാന്‍ പോകുന്നത്.കഴിഞ്ഞ വർഷത്തെ ഫൈനലിലും ഇതേ രണ്ടു ടീമുകള്‍ തന്നെ ആണ് സ്പാനിഷ് സൂപ്പര്‍ കോപയില്‍ ഏറ്റുമുട്ടിയത്.അന്ന് ഒന്നിനെതിരെ മൂന്നു ഗോളുകള്‍ക്ക് റയലിനെ തോല്‍പ്പിക്കാന്‍ ബാഴ്സക്ക് കഴിഞ്ഞിരുന്നു.
/cdn.vox-cdn.com/uploads/chorus_image/image/73046579/1918188121.0.jpg)
നിരാശാജനകമായ ആദ്യ പകുതിയിൽ ബാഴ്‌സലോണ പൊസഷനിൽ ആധിപത്യം പുലർത്തി, പക്ഷേ ഗോള്‍ സ്കോര്‍ ചെയ്യാന്‍ അവര്‍ ഏറെ പാടുപ്പെട്ടു.മോശം ഫോമില്‍ ഉള്ള ലെവണ്ടോസ്ക്കി അനേകം അവസരങ്ങള്‍ പാഴാക്കി.ഒസാസുന ഗോൾകീപ്പർ സെർജിയോ ഹെരേരയും ഇന്നലെ മികച്ച ഫോമില്‍ ആയിരുന്നു.59-ാം മിനിറ്റിൽ മാത്രമാണ് ബാഴ്സക്ക് ഒസാസുനയുടെ പ്രതിരോധം തകര്‍ക്കാന്‍ കഴിഞ്ഞത്.ഒരു മികച്ച ത്രൂ ലെവന്‍ഡോസ്ക്കിയെ കണക്റ്റ് ചെയ്ത ഗുണ്ടോഗന്‍ ആണ് ഗോളിന് വഴി ഒരുക്കിയത്.
