ഗോൾകീപ്പറെ ബക്കറ്റ് കൊണ്ട് അടിച്ച ആരാധകന്‍റെ ജയിൽ ശിക്ഷ റദ്ദാക്കി
കഴിഞ്ഞ വർഷം പിച്ച് അധിനിവേശത്തിനിടെ മെൽബൺ സിറ്റി കീപ്പർ ടോം ഗ്ലോവറിന്റെ മുഖത്ത് മെറ്റൽ ബക്കറ്റ് കൊണ്ട് അടിച്ച ആരാധകന് ശിക്ഷയായി ലഭിച്ച ജയില്‍ വാസം ഇന്ന് റദ്ദ് ചെയ്തതായി വിധി വന്നിരിക്കുന്നു.കഴിഞ്ഞ ഡിസംബറിൽ നടന്ന ഓസ്ട്രേലിയന്‍ ലീഗ് മല്‍സരത്തില്‍ ആണ് സംഭവം.ഈ ഓഗസ്റ്റില്‍ വന്ന വിധി പ്രകാരം ഗോള്‍ കീപ്പറെ ആക്രമിച്ച അലക്സ് അഗെലോപോലോസിനു മൂന്ന് മാസത്തെ ജയിൽ ശിക്ഷ ലഭിച്ചിരുന്നു.
വിക്ടോറിയൻ കൗണ്ടി കോടതിയിൽ അഗലോപൗലോസ് തന്റെ ശിക്ഷയ്ക്ക് അപ്പീൽ നൽകി, അവിടെ ജയിലിൽ അടയ്ക്കപ്പെട്ടതില്‍ അദ്ദേഹം മാത്രം ആണ് എന്നത് അനീതി ആണ് എന്നാണ് കോടതിയുടെ മുന്നില്‍ പ്രതിയുടെ വക്കീല്‍ വാദിച്ചത്. 24-കാരന്റെ ജയിൽ ശിക്ഷ റദ്ദാക്കുകയും ഇത് കൂടാതെ അദ്ദേഹത്തിന് മൂന്നര വർഷത്തെ കമ്മ്യൂണിറ്റി വര്‍ക്ക് ചെയ്യേണ്ടത് നിര്‍ബന്ധം ആണ് എന്നും ജഡ്ജി ഇന്ന് വിധിച്ചു.അഞ്ച് വർഷത്തേക്ക് എല്ലാ ഫുട്ബോൾ മത്സരങ്ങളിലും പങ്കെടുക്കുന്നതിൽ നിന്ന് അഗലോപൗലോസിന് വിലക്ക് തുടരുന്നുണ്ട്.
