ലാസിയോയെ തോൽപ്പിച്ച് അത്ലറ്റിക്കോ മാഡ്രിഡ് ഗ്രൂപ്പ് ഇയിൽ ഒന്നാമതെത്തി
അന്റോയിൻ ഗ്രീസ്‌മാനും സാമുവൽ ലിനോയും ഓരോ പകുതിയിലും സ്‌കോർ ചെയ്‌തപ്പോൾ അത്ലറ്റിക്കോ മാഡ്രിഡിന് 2-0 ന് ലാസിയോയെ തോൽപ്പിക്കാന്‍ കഴിഞ്ഞുഗ്രൂപ്പ് ചാമ്പ്യന്മാര്‍ ആയി തന്നെ ആണ് നോക്കൌട്ട് റൌണ്ടിലേക്ക് എത്തിയിരിക്കുന്നത്.ആറ് മല്‍സരങ്ങളില്‍ നിന്നു പത്തു പോയിന്‍റ് നേടിയ ലാസിയോ രണ്ടാം സ്ഥാനക്കാര്‍ ആയി യോഗ്യത നേടി കഴിഞ്ഞു.
അത്ലറ്റിക്കോ ആദ്യം മുതല്‍ക്ക് തന്നെ സീരി എ ക്ലബിനെതിരെ ആധിപത്യം പുലർത്തി, ബ്രസീലിന്റെ ലിനോ ഇടതു വിങ്ങിലൂടെ ലാസിയോ പ്രതിരോധത്തിന് തലവേദന സൃഷ്ട്ടിക്കാന്‍ തുടങ്ങി.ഒടുവില്‍ അദ്ദേഹത്തിന്റെ നീക്കങ്ങള്‍ക്ക് ഫലം കണ്ടു.ആറാം മിനുട്ടില്‍ അദ്ദേഹം നല്കിയ പാസില്‍ ആണ് ഗ്രീസി ഗോള്‍ നേടിയത്.ഈ സീസണിൽ ഗ്രീസ്‌മാന്റെ അഞ്ചാമത്തെ ചാമ്പ്യൻസ് ലീഗ് ഗോളായിരുന്നു ഇത്, എർലിംഗ് ഹാലൻഡ്, റാസ്മസ് ഹോജ്‌ലണ്ട്, ടീമംഗം അൽവാരോ മൊറാറ്റ എന്നിവരോടൊപ്പം ഗ്രൂപ്പ് ഘട്ടത്തിലെ ടോപ് സ്കോറര്‍ ആണ് ഗ്രീസ്മാന്‍.
