ബുണ്ടസ്ലിഗയില്‍ ഇന്ന് ആകര്‍ഷകമായ മല്‍സരങ്ങള്‍ !!!!
എങ്ങനെയും ടോപ് ഫോറില്‍ കയറുക എന്ന ലക്ഷ്യവുമായി ബുണ്ടസ്ലിഗ ക്ലബ് ആർബി ലെപ്‌സിഗ് ഇന്ന് മെയിന്‍സിനെ നേരിടും.ഇന്ത്യന്‍ സമയം എട്ട് മണിക്ക് മെയിന്‍സ് മണ്ണില്‍ വെച്ച് ആണ് കിക്കോഫ്.ജര്‍മന്‍ ലീഗില്‍ ഈ സീസണില്‍ ലെവര്‍കുസന്‍,സ്റ്റുട്ട്ഗാര്‍ട്ട്,ഹോഫന്‍ഹെയിം എന്നിങ്ങനെ പുതിയ ചില ടീമുകള്‍ ഫോമിലേക്ക് എത്തിയത് ലെപ്സിഗിനെ പോലുള്ള ടീമുകള്‍ക്ക് വന്‍ തിരിച്ചടിയായി.
നിലവില്‍ അഞ്ചാം സ്ഥാനത്ത് ആണവര്‍.ഇന്നതെ മല്‍സരത്തില്‍ ജയം നേടാന്‍ കഴിഞ്ഞാല്‍ ടോപ് ഫോറില്‍ ഇടം നേടാന്‍ അവര്‍ക്ക് കഴിയും.കഴിഞ്ഞ രണ്ടു മല്‍സരങ്ങളിലും ജയം നേടിയ ലെപ്സിഗിന് തന്നെ ആണ് ഇന്നതെ മല്‍സരത്തിലെ മേല്‍ക്കൈ.ഇതുവരെ ഒരു മല്‍സരം പോലും ലീഗില്‍ ജയിക്കാന്‍ കഴിയാതെ പോയ മെയിന്‍സ് അവസാന സ്ഥാനത്താണ് ഉള്ളത്.മറ്റൊരു സുപ്രധാനമായ ബുണ്ടസ്ലിഗ മല്‍സരത്തില്‍ ഫ്രാങ്ക്ഫുട്ട് യൂണിയന്‍ ബെര്‍ലിനെ നേരിടും.കഴിഞ്ഞ സീസണില്‍ ടോപ് ഫോറില്‍ എത്തിയ ബെര്‍ലിന്‍ നിലവില്‍ റിലഗേഷന്‍ സോണില്‍ ആണ്.
