ജര്‍മന്‍ ക്ലാസ്സിക്കോ ഇന്ന് , മ്യൂണിക്കും ബോറൂസിയായും മുഖാമുഖം
ബുണ്ടസ്ലിഗയിലെ ക്ലാസ്സിക്ക് പോരാട്ടം ഇന്ന്.ബോറൂസിയ ഡോര്‍ട്ട്മുണ്ടിനെ നിലവിലെ ബുണ്ടസ്ലിഗ ചാമ്പ്യന്മാരായ ബയേൺ മ്യൂണിക്ക് നേരിടും.ഇന്ത്യന്‍ സമയം പതിനൊന്നു മണിക്ക് ബോറൂസിയ ഹോം ആയ വെസ്റ്റ്ഫാലെൻസ്റ്റേഡിയനിൽ വെച്ചാണ് കിക്കോഫ്.കഴിഞ്ഞ അഞ്ചു മല്‍സരങ്ങളില്‍ നാല് വിജയം നേടിയ ഇരു ടീമുകളും മികച്ച ഫോമില്‍ തന്നെ ആണ് എന്നത് മല്‍സരത്തിന്റെ ആവേശം കൂട്ടുന്നു.
രണ്ടാം സ്ഥാനത്തുള്ള ബയേണ്‍ മ്യൂണിക്കും നാലാം സ്ഥാനത്തുള്ള ബോറൂസിയായും തമ്മില്‍ ഉള്ള പോയിന്‍റ് വിത്യാസം വെറും രണ്ടു മാത്രം ആണ്.അതിനാല്‍ ഇന്നതെ മല്‍സരത്തില്‍ ജയിച്ചാല്‍ മ്യൂനിക്കിനെ പിന്തള്ളി രണ്ടാം സ്ഥാനത്ത് കയറാന്‍ മഞ്ഞപ്പടക്ക് സാധിയ്ക്കും. സ്ട്രൈക്കര്‍ ഹാരി കെയിനില്‍ ആണ് ബയേണിന്‍റെ ഏക പ്രതീക്ഷ, ഡോര്‍ട്ടുമുണ്ടിന് ആണെങ്കില്‍ മാര്‍ക്ക് റിയൂസും വേഗതയാര്‍ന്ന മുന്നേറ്റ നിരയിലും ആണ് പ്രതീക്ഷ.കഴിഞ്ഞ സീസണുകളിലെ പോലെ ബയെണിന് ഇത്തവണ ബോറൂസിയാക്ക് മേല്‍ ആധിപത്യം സ്ഥാപ്പിക്കാന്‍ കഴിയുമെന്ന് തോന്നുന്നില്ല എന്നാണ് പല ജര്‍മന്‍ ഫൂട്ബോള്‍ പണ്ഡിറ്റ്സും പറയുന്നത്.അതിനാല്‍ ഇന്നതെ ജര്‍മന്‍ ക്ലാസിക്കോ കൂടുതല്‍ ആവേശത്തില്‍ ആയിരിയ്ക്കും ജര്‍മന്‍ ആരാധകര്‍ വരവേല്‍ക്കാന്‍ പോകുന്നത്.
