ഇസ്രയേല് – ഹമാസ് കൊലവെറിക്ക് എത്രയും പെട്ടെന്ന് അന്ത്യം വരുത്തണം എന്നഭ്യര്ഥിച്ച് സല
ഇസ്രായേലും ഹമാസും തമ്മിലുള്ള അക്രമം അവസാനിപ്പിക്കണമെന്ന് ലിവർപൂൾ ഫോർവേഡ് മുഹമ്മദ് സലാ ബുധനാഴ്ച ആവശ്യപ്പെട്ടു, ഉപരോധിച്ച ഫലസ്തീൻ എൻക്ലേവിലെ ഗാസയിലേക്ക് മാനുഷിക സഹായം ഉടൻ അനുവദിക്കണമെന്നും താരം ആവശ്യപ്പെട്ടു.ഒരാഴ്ചയിലേറെയായി ഈ വിഷയത്തിൽ മൗനം പാലിച്ചതിന് തന്റെ ജന്മദേശമായ ഈജിപ്തിൽ സലക്ക് നേരെ വലിയ രീതിയില് ആണ് വിമര്ശനം ഉയരുന്നത്.
ഇന്നലെ ആണ് ഇസ്രായേൽ-ഹമാസ് യുദ്ധത്തെക്കുറിച്ച് തന്റെ അഭിപ്രായം രേഖപ്പെടുത്തിക്കൊണ്ട് സലാ തന്റെ സോഷ്യൽ മീഡിയ അക്കൗണ്ടുകളിൽ ഒരു വീഡിയോ സന്ദേശം പുറത്തിറക്കിയത്.ഈ സമയത്ത് തനിക്ക് ആരുടേയും പക്ഷം പിടിച്ച് സംസാരിക്കാന് കഴിയില്ല എന്നും എന്നാല് ഈ കൊലവെറിക്ക് ഒരറുതി വരുത്തണം എന്നും അദ്ദേഹം അഭ്യര്ഥിച്ചു.നിലവില് യുദ്ധ ഭീതി നേരിടുന്ന ഗാസയിലെ ജനത്തിന് വേണ്ട സംരക്ഷണം നല്കാന് ലോക രാജ്യങ്ങള് തയ്യാര് ആവണം എന്നും സല പറഞ്ഞു.
