ഏഷ്യൻ ഗെയിംസ്: നിലവിലെ ചാമ്പ്യന്മാരായ ജപ്പാനെതിരെ ഇന്ത്യൻ പുരുഷ ഹോക്കി ടീമിന് ഉജ്ജ്വല വിജയം

പൂൾ എയിലെ തങ്ങളുടെ മൂന്നാം മത്സരത്തിൽ നിലവിലെ ചാമ്പ്യന്മാരായ ജപ്പാനെ 4-2 ന് പരാജയപ്പെടുത്തി 19-ാമത് ഏഷ്യൻ ഗെയിംസിൽ ഇന്ത്യൻ പുരുഷ ഹോക്കി ടീം വ്യാഴാഴ്ച വിജയ കുതിപ്പ് തുടർന്നു.

അഭിഷേക് (13′, 48′), മൻദീപ് സിംഗ് (24′), അമിത് രോഹിദാസ് (34′) എന്നിവർ ഇന്ത്യക്കായി ഗോളുകൾ നേടി തങ്ങളുടെ ടീമിനെ സുപ്രധാന ജയം നേടി. ജെങ്കി മിതാനി (57), റയോസി കാറ്റോ (60) എന്നിവരാണ് ജപ്പാന് വേണ്ടി ഗോളുകൾ നേടിയത്. ജർമൻപ്രീത് സിംഗ് വലതുവശത്ത് നിന്ന് അപകടകരമായ ഓവർലാപ്പിംഗ് റണ്ണുകൾ നടത്തി എതിരാളികളെ ബുദ്ധിമുട്ടിച്ചതോടെയാണ് ഇന്ത്യ മത്സരം ആരംഭിച്ചത്.