അവസാന മിനുട്ടുകളില്‍ ഇരട്ട ഗോള്‍ നേടിയിട്ടും തോല്‍വി ; തലകുനിച്ച് യുണൈറ്റഡ്
മാഞ്ചസ്റ്റര്‍ യുണൈറ്റഡ് – ബയേണ്‍ മ്യൂണിക്ക് ചാമ്പ്യന്‍സ് ലീഗ് മല്‍സരത്തില്‍ പിറന്നത് ഏഴു ഗോളുകള്‍.!!!ജര്‍മന്‍ ടീം മൂന്നിന്നു നാല് ഗോളുകള്‍ക്ക് റെഡ് ഡേവില്‍സിനെ പരാജയപ്പെടുത്തി.അവസാന ഏഴു മിനുട്ടില്‍ മൂന്നു ഗോളുകള്‍ ആണ് പിറന്നത്.മോശം പ്രതിരോധവും ഗോള്‍ കീപ്പര്‍ ഓനാനയുടെ പിഴവുകളും ആണ് യുണൈറ്റഡിന് വിനയായത്.
28, 32 മിനിറ്റുകളിൽ ലെറോയ് സാനെയും സെർജ് ഗ്നാബ്രിയും നേടിയ ഗോളുകൾ യുണൈറ്റഡിനെ തകര്‍ത്തു കളഞ്ഞു.എന്നാല്‍ രണ്ടാം പകുതിയുടെ തുടക്കത്തില്‍ റാസ്മസ് ഹോജ്ലണ്ടിന്റെ ഗോള്‍ ചെകുത്താന്‍മാര്‍ക്ക് നേരിയ ആത്മവിശ്വാസം നല്കി.എന്നാല്‍ അല്പ സമയത്തിന് ശേഷം എറികസന്‍റെ ഹാന്‍ഡ് ബോളില്‍ ലഭിച്ച പെനാല്‍റ്റി വലയില്‍ ആക്കി ഹാരി കെയിന്‍ വീണ്ടും ബയേണിന്റെ ലീഡ് ഇരട്ടിപ്പിച്ചു.88,95 ആം മിനുട്ടുകളില്‍ കസമീരോ ഗോള്‍ നേടി എങ്കിലും 92 ആം മിനുട്ടില്‍ മതിസ് ടൈലിന്റെ ഗോള്‍ പ്രീമിയര്‍ ലീഗ് ടീമിന് സമനില നിഷേധിച്ചു.
