എട്ടാം ഏഷ്യ കപ്പ് കിരീടം സ്വന്തമാക്കി ഇന്ത്യ, വിജയം പത്ത് വിക്കറ്റിന്
ഞായറാഴ്ച നടന്ന ഏഷ്യാ കപ്പിന്റെ ഫൈനലിൽ ഇന്ത്യ ശ്രീലങ്കയെ പത്ത് വിക്കറ്റിന് തോൽപ്പിച്ചു. ബൗളറാമാരുടെ മികവിൽ ഇന്ത്യ ശ്രീലങ്കയെ അമ്പത് റൺസിന് ഓൾഔട്ടാക്കി. മറുപടി ബാറ്റിങ്ങിനിറങ്ങിയ ഇന്ത്യ വെറും 6.1 ഓവറിൽ വിക്കറ്റ് പോകാതെ ലക്ഷ്യ൦ മറികടന്നു. ഇഷാൻ കിഷനും(23) ഗില്ലും(27) ചേർന്ന് ഇന്ത്യയെ അനായാസം വിജയത്തിലേക്ക് എത്തിച്ചു. ഇന്ത്യയുടെ എട്ടാം ഏഷ്യ കപ്പ് വിജയമാണിത്. നിലവിലെ ചാമ്പ്യന്മാരായിരുന്നു ശ്രീലങ്ക, 2018ലാണ് ഇന്ത്യ അവസാനമായി ടൂർണമെന്റിൽ വിജയിച്ചത്.
ഇന്ത്യ ശ്രീലങ്കയെ 50 റൺസിന് പുറത്താക്കിയപ്പോൾ മുഹമ്മദ് സിറാജ് 6/21 എന്ന നിലയിൽ തിളങ്ങി. തന്റെ ആദ്യ 16 പന്തിൽ അഞ്ച് വിക്കറ്റ് വീഴ്ത്തിയ ഇന്ത്യൻ സീമർ അവസാന മത്സരത്തിന്റെ തുടക്കം മഴയ്ക്ക് ശേഷം തന്റെ രണ്ടാം ഓവറിൽ നാല് വിക്കറ്റ് നേടി. 15.2 ഓവർ മാത്രമാണ് ലങ്കൻ ഇന്നിംഗ്‌സ് നീണ്ടത്.
ഓപ്പണർ കുശാൽ പെരേര ഓപ്പണിംഗിൽ ഡക്കിന് വീണു. ടോസ് നേടി ബാറ്റിംഗ് തിരഞ്ഞെടുത്ത ശ്രീലങ്കൻ ക്യാപ്റ്റൻ ദസുൻ ഷനകയുടെ തീരുമാനത്തെ തെറ്റിക്കുന്നതായിരുന്നു ആദ്യ ഓവർ. പിന്നീട് തന്റെ രണ്ടാം ഓവറിൽ തന്നെ സിറാജ് നാല് വിക്കറ്റ് വീഴ്ത്തി. ലങ്ക 12/6 എന്ന നിലയിൽ തളർന്നപ്പോൾ അടുത്ത ഓവറിൽ അദ്ദേഹം തന്റെ അഞ്ച് വിക്കറ്റ് നേട്ടം പൂർത്തിയാക്കി. കുസാൽ മെൻഡിസും ദുനിത് വെല്ലലഗെയും ചേർന്ന് ഏഴാം വിക്കറ്റിൽ 21 റൺസ് കൂട്ടിച്ചേർത്തു. മെൻഡിസ് (17), ദുഷൻ ഹേമന്ത (പുറത്താകാതെ 13) എന്നിവർ മാത്രമാണ് ലങ്കൻ നിരയിൽ രണ്ടക്കം കടന്നത്.
