തുടർച്ചയായി 10 റേസുകളിൽ വിജയിച്ച്‌ എഫ് 1 റെക്കോർഡ് തകർത്ത് മാക്‌സ് വെർസ്റ്റാപ്പൻ
മാക്‌സ് വെർസ്റ്റാപ്പൻ തന്റെ തുടർച്ചയായ പത്താം ഫോർമുല വൺ ഗ്രാൻഡ് പ്രിക്സ് കിരീടം ഞായറാഴ്ച സ്വന്തമാക്കി. ഡച്ച് ഡ്രൈവർ ഓട്ടോഡ്രോമോ നാസിയോണലെ മോൻസയിൽ 53-ലാപ്പ് റേസിൽ തന്റെ സഹതാരം സെർജിയോ പെരസിനേയും ഫെരാരിയിൽ നിന്നുള്ള മൂന്നാം സ്ഥാനക്കാരനായ കാർലോസ് സൈൻസിനെയും മറികടന്ന് വിജയിച്ചു.
കഴിഞ്ഞ വാരാന്ത്യത്തിൽ ഡച്ച് ഗ്രാൻഡ് പ്രിക്‌സിൽ വെറ്റലിന്റെ 2013ലെ തുടർച്ചയായ ഒമ്പത് വിജയങ്ങളുടെ റെക്കോർഡിനൊപ്പമാണ് 25 കാരനായ വെർസ്റ്റപ്പൻ എത്തിയത്. മെയ് മാസത്തിൽ, വടക്കൻ ഇറ്റലിയിലെ വെള്ളപ്പൊക്കം കാരണം സീസണിലെ ആറാമത്തെ മത്സരമായ എമിലിയ റൊമാഗ്ന ഗ്രാൻഡ് പ്രിക്സ് എഫ് 1 റദ്ദാക്കി. 2023 സീസണിലെ എഫ് 1 ന്റെ അടുത്ത റൗണ്ട് സെപ്റ്റംബർ 17 ന് സിംഗപ്പൂരിൽ നടക്കും.
