ഗോള്‍ കീപ്പിങ്ങ് ബാക്കപ്പ് ഓപ്ഷന്‍ ആയി ഡാനിയൽ പെരെറ്റ്സിനെ സൈന്‍ ചെയ്യാന്‍ ബയേണ്‍ മ്യൂണിക്ക്
ഫാബ്രിസിയോ റൊമാനോയിൽ നിന്നുള്ള ഒരു റിപ്പോർട്ട് അനുസരിച്ച്, മക്കാബി ടെൽ അവീവ് ഗോൾകീപ്പറും ഇസ്രായേലി താരവും കൂടിയായ ഡാനിയൽ പെരെറ്റ്സിനെ സൈന്‍ ചെയ്യുന്നതില്‍ ബയേൺ മ്യൂണിക്ക് ഒരു കരാർ ഉറപ്പിച്ചു.ബയേൺ മ്യൂണിക്കിന്റെ മൂന്നാമത്തെ ഗോള്‍ കീപ്പര്‍ ഓപ്ഷന്‍ ആണീ യുവ താരം.
നിലവിൽ പരിക്കില്‍ നിന്ന് മുക്തി നേടാന്‍ കാത്തിരിക്കുന്ന മാനുവൽ ന്യൂയര്‍ തന്നെ ആണ് ഗോള്‍ കീപ്പര്‍മാരില്‍ ബയേണ്‍ മ്യൂണിക്കിന്റെ ആദ്യ ഓപ്ഷന്‍.അദ്ദേഹത്തിന്റെ ബാക്കപ്പ് ഓപ്ഷന്‍ ആയി സ്വെൻ ഉൾറിച്ചിനെ മ്യൂണിക്ക് ഈ സമ്മര്‍ വിന്‍ഡോയില്‍ സൈന്‍ ചെയ്തിരുന്നു. ഡാനിയൽ പെരെറ്റ്സിനു വേണ്ടി ബയേൺ മ്യൂണിക്ക് 5 മില്യൺ യൂറോ ബേസ് ഫീസും ആഡ് ഓണും നല്‍കിയേക്കും.ബയേൺ മ്യൂണിക്ക് പെരെറ്റ്സിനെ അഞ്ച് വർഷത്തെ കരാറില്‍ ആണ് ഒപ്പിടാന്‍ പോകുന്നത്.
