മിഡില് ഓര്ഡറില് ബാറ്റ് ചെയ്യാന് സൂര്യകുമാർ യാദവിനേയും ഇഷാൻ കിഷനേയും പരിഗണിക്കാന് ആവശ്യപ്പെട്ട് സബ കരീം
സൂര്യകുമാർ യാദവിനേയും ഇഷാൻ കിഷനേയും വരാനിരിക്കുന്ന ഏഷ്യ കപ്പ് , ലോകക്കപ്പ് ടൂര്ണമെന്റില് നാലാം നമ്പറിലും അഞ്ചാം നമ്പറിലും കളിപ്പിക്കാന് ബിസിസിഐക്ക് ഉപദേശം നല്കി മുൻ ഇന്ത്യൻ വിക്കറ്റ് കീപ്പർ സബ കരീം.ഏതാനും ദിവസങ്ങൾക്കുള്ളിൽ ഇന്ത്യ ഏഷ്യാ കപ്പിനുള്ള ടീമിനെ പ്രഖ്യാപിക്കുമെന്ന് പ്രതീക്ഷിക്കുന്നു.റിപ്പോര്ട്ട് അനുസരിച്ച നറുക്ക് വീഴാന് പോകുന്നത് ശ്രേയസ് അയ്യര്ക്കോ അല്ലെങ്കില് കെ.എൽ. രാഹുലിനോ ആയിരിക്കും.
“കെ.എൽ. രാഹുല് , അയ്യര് എന്നിവര്ക്ക് പരിക്ക് ആണെങ്കില് ഒരിക്കലും ടീമില് അവരെ ഉള്പ്പെടുത്തണം എന്ന അഭിപ്രായം എനിക്കില്ല.അവർ ഫിറ്റ്നല്ലെങ്കിൽ, ഓപ്പണറായും മധ്യനിരയിലും ബാറ്റ് ചെയ്യാൻ കഴിയുമെന്നതിനാൽ രാഹുലിന് പകരം ഇഷാൻ കിഷൻ മികച്ച ഓപ്ഷനാണ്.ശ്രേയസ് അയ്യർ യോഗ്യനല്ലെങ്കിൽ, തിലക് വർമ്മ, സഞ്ജു സാംസൺ, സൂര്യകുമാർ യാദവ് എന്നിവരിൽ നിന്ന് നിങ്ങൾക്ക് തിരഞ്ഞെടുക്കാൻ 2-3 ഓപ്ഷനുകൾ ഉണ്ട്. എന്നാൽ എന്നെ സംബന്ധിച്ചിടത്തോളം, സൂര്യകുമാർ ആഭ്യന്തരമായും അന്തർദ്ദേശീയമായും ഏകദിന ക്രിക്കറ്റ് കളിച്ചതിന്റെ അനുഭവം നേടിയിട്ടുണ്ട്.അതിനാല് സേഫ് ഓപ്ഷന് സൂര്യ തന്നെ ആണ്.”ജിയോ സിനിമ സംഘടിപ്പിച്ച ചാറ്റിനിടെ കരിം മാധ്യമങ്ങളോട് പറഞ്ഞു.
