ഏഷ്യൻ ചാമ്പ്യൻസ് ട്രോഫി 2023 ഹോക്കി: ചൈനയെ തോൽപ്പിച്ച് ഇന്ത്യ പ്രചാരണം ആരംഭിച്ചു

വ്യാഴാഴ്ച ചെന്നൈയിലെ മേയർ രാധാകൃഷ്ണൻ സ്റ്റേഡിയത്തിൽ നടന്ന ഏഷ്യൻ ചാമ്പ്യൻസ് ട്രോഫി 2023 ന്റെ ഉദ്ഘാടന മത്സരത്തിൽ ഇന്ത്യൻ പുരുഷ ഹോക്കി ടീം പീപ്പിൾസ് റിപ്പബ്ലിക് ഓഫ് ചൈനയെ 7-2 ന് പരാജയപ്പെടുത്തി. ജയത്തോടെ, മികച്ച ഗോൾ വ്യത്യാസത്തിന്റെ അടിസ്ഥാനത്തിൽ ഇന്ത്യൻ ഹോക്കി ടീം ഏഷ്യൻ ചാമ്പ്യൻസ് ട്രോഫി സ്റ്റാൻഡിംഗിൽ ഒന്നാമതെത്തി.

ഹർമൻപ്രീത് സിംഗ് (5′, 8′), സുഖ്ജീത് സിംഗ് (15′), ആകാശ്ദീപ് സിംഗ് (16′), വരുൺ കുമാർ (19′, 30′), മൻദീപ് സിംഗ് (40′) എന്നിവരുടെ ഗോളുകൾ ഇന്ത്യയെ കൂറ്റൻ വിജയത്തിലേക്ക് നയിച്ചപ്പോൾ ഇ വെൻഹുയി (18′), ജിഷെങ് ഗാവോ (25′) എന്നിവരാണ് ചൈനയ്ക്കായി വലകുലുക്കിയത്.

മത്സരത്തിന് മുമ്പ്, യഥാക്രമം 150-ാമത്തെയും 100-ാമത്തെയും അന്താരാഷ്ട്ര മത്സരങ്ങൾ കളിച്ചതിന് ഇന്ത്യയുടെ അമിത് രോഹിദാസിനെയും സുമിത്തിനെയും അനുമോദിച്ചു. 2023ലെ ഏഷ്യൻ ചാമ്പ്യൻസ് ട്രോഫിയിൽ ഇന്ത്യൻ പുരുഷ ഹോക്കി ടീം വെള്ളിയാഴ്ച ജപ്പാനുമായി ഏറ്റുമുട്ടും. വ്യാഴാഴ്ച നടന്ന ആദ്യ മത്സരത്തിൽ റിപ്പബ്ലിക് ഓഫ് കൊറിയയോട് 1-2ന് ജപ്പാൻ തോറ്റിരുന്നു.