ബെര്‍ണാര്‍ഡോ സില്‍വക്ക് വേണ്ടി ഡി യോങ്ങിനെ ബലിയാടാക്കാന്‍ ബാഴ്സലോണ
ഈ സമ്മർ ട്രാൻസ്ഫർ വിൻഡോയിൽ ബെർണാഡോ സിൽവയെ ക്യാമ്പ് നൗവിലേക്ക് കൊണ്ടുവരാനുള്ള ശ്രമത്തിൽ ഫ്രെങ്കി ഡി ജോംഗിനെ മാഞ്ചസ്റ്റർ സിറ്റിയിലേക്ക് വാഗ്ദാനം ചെയ്യാനുള്ള നീക്കത്തില്‍ ആണ് ബാഴ്സലോണ.ബാഴ്സലോണയും ബെര്‍ണാര്‍ഡോ സില്‍വയും തമ്മില്‍ ഉള്ള കഥ കാലങ്ങള്‍ ഏറെയായി നടക്കുന്നുണ്ട് എങ്കിലും താരത്തിന്‍റെ വലിയ പ്രൈസ് ടാഗ് ബാഴ്സക്ക് ഒരു വിലങ്ങ് തടിയായി നില്‍ക്കുകയാണ്.
നിലവില്‍ ബെര്‍ണാര്‍ഡോ സില്‍വയെ സൈന്‍ ചെയ്യാന്‍ ലക്‌ഷ്യം ഇട്ട് നിരവധി സൗദി ക്ലബുകള്‍ രംഗത്ത് വന്നിട്ടുണ്ട്.എന്നാല്‍ അവര്‍ക്കൊന്നും അദ്ദേഹം ചെവി കൊടുക്കാത്തത് ബാഴ്സലോണയെ മുന്നില്‍ കണ്ടാണ്‌.ഇപ്പോഴും സില്‍വയെ സൈന്‍ ചെയ്യാന്‍ ബാഴ്സക്ക് ഭയങ്കരമായി ആഗ്രഹം ഉണ്ട്.അതിനാല്‍ ഡി യോങ്ങിനെ ബലിയാട് ആക്കാന്‍ വരെ കറ്റാലന്‍ ക്ലബ് മുതിരുമോ എന്നത് ആണ് ഇപ്പോഴത്തെ ചോദ്യചിഹ്നം.എന്തെന്നാല്‍ ബുസ്ക്കറ്റ്സിന്‍റെ അഭാവത്തില്‍ പിവറ്റ് റോളില്‍ കളിക്കാന്‍ ആരും തന്നെ ഇല്ല.ഡി യോങ്ങിനു ഡബിള്‍ പിവറ്റ് കളിക്കാനുള്ള കഴിവും അതുപോലെ എതിര്‍ ടീമിന്‍റെ പ്രെസ്സിങ്ങ് മറികടന്ന് മുന്നേറ്റ നിരയിലേക്ക് പന്ത് എത്തിക്കാനും അദ്ദേഹത്തിന് കഴിയും.ഈ ഒരു സമയത്ത് ഡി യോങ്ങിനെ വില്‍ക്കുകയാണ് എങ്കില്‍ അത് ഒരുപക്ഷെ ബാഴ്സലോണ ഈ അടുത്ത കാലത്ത് കാണിക്കുന്ന ഏറ്റവും വലിയ അബദ്ധം ആയി മാറാനുള്ള സാധ്യതയും വളരെ വലുത് ആണ്.
