വിംബിൾഡണ്ണിൽ തുടർച്ചയായ രണ്ടാം തവണയും ഫൈനലിലെത്തി ഓൺസ് ജബീർ

സെമിഫൈനലിൽ അരിന സബലെങ്കയെ മൂന്ന് സെറ്റുകൾക്ക് തോൽപ്പിച്ച് ഓൻസ് ജബീർ വ്യാഴാഴ്ച അവിശ്വസനീയമായ തിരിച്ചുവരവ് നടത്തുകയും വിജയിച്ച് തുടർച്ചയായ രണ്ടാം വിംബിൾഡൺ ഫൈനലിലെത്തി.

6-7(5), 6-4, 6-3 എന്ന സ്‌കോറിനു വിംബിൾഡൺ ഫൈനലിൽ മാർക്കെറ്റ വോൻഡ്രൗസോവയ്‌ക്കെതിരെ തന്റെ സ്ഥാനം ഉറപ്പിക്കാൻ സബലെങ്കയുടെ കരുത്തുറ്റ ശക്തിയെ മറികടന്ന് ജബീർ വ്യാഴാഴ്ച തന്റെ കലാവൈഭവവും മികവും പ്രകടിപ്പിച്ചു. പോരാട്ടം രണ്ട് മണിക്കൂറും 19 മിനിറ്റും നീണ്ടുനിന്നു.

കഴിഞ്ഞ വർഷത്തെ ഫൈനലിൽ തോൽവി നേരിട്ട ജബീറിന് തന്റെ ബെലാറഷ്യൻ എതിരാളിക്കെതിരെ ആദ്യ സെറ്റ് കൈവിട്ടുപോയതിന് ശേഷം വമ്പൻ തിരിച്ചുവരവ് ആണ് നടത്തിയത്. ഫൈനലിൽ വോൻഡ്രോസോവയെ വീഴ്ത്താനായാൽ ഗ്രാൻഡ്സ്ലാം നേടുന്ന ആദ്യ ആഫ്രിക്കൻ താരമെന്ന നേട്ടം ജബീർ സ്വന്തമാക്കും .