ആഷസ് 2023: നാലാം ടെസ്റ്റിനുള്ള ഇംഗ്ലണ്ട് ടീമിൽ ജോണി ബെയർസ്റ്റോയും, ടീമിൽ മാറ്റമില്ല

ജൂലൈ 19 മുതൽ ഓൾഡ് ട്രാഫോർഡിൽ നടക്കുന്ന ആഷസ് 2023 പരമ്പരയിലെ നാലാം ടെസ്റ്റിനുള്ള മാറ്റമില്ലാത്ത 14 കളിക്കാരുടെ ടീമിനെ ചൊവ്വാഴ്ച ഇംഗ്ലണ്ട് പ്രഖ്യാപിച്ചു. വിക്കറ്റ് കീപ്പർ ജോണി ബെയർസ്റ്റോ ബാറ്റോ ഗ്ലൗസോ ഉപയോഗിച്ച് മികച്ച ഫോമിലല്ലാത്തതിനാൽ അദ്ദേഹത്തെ മാറ്റി പകരം ബെൻ ഫോക്സിനെ ടീമിലേക്ക് കൊണ്ടുവന്നേക്കുമെന്ന് റിപ്പോർട്ട് ഉണ്ടയായിരുന്നു. എന്നാൽ , ബെയർസ്റ്റോയ്ക്ക് തന്റെ സ്ഥാനം നിലനിർത്താൻ കഴിഞ്ഞു.

മറുവശത്ത്, മൂന്നാം ആഷസ് ടെസ്റ്റിന്റെ ഒന്നാം ദിവസം നടുവേദനയെ തുടർന്ന് മൈതാനം വിടുകയും ആ മത്സരത്തിന്റെ ഭൂരിഭാഗവും നഷ്‌ടപ്പെടുകയും ചെയ്ത ഫാസ്റ്റ് ബൗളർ ഒല്ലി റോബിൻസണെയും ടീമിൽ നിലനിർത്തിയിട്ടുണ്ട്.

മൂന്നാം ടെസ്റ്റിൽ മൂന്ന് വിക്കറ്റിന് ജയിച്ച ഇംഗ്ലണ്ട് രണ്ട് ടെസ്റ്റുകൾ ബാക്കിനിൽക്കെ ഓസ്‌ട്രേലിയയോട് 2-1ന് പിന്നിലാണ്. അടുത്ത രണ്ട് മൽസരങ്ങളും ഇംഗ്ലണ്ടിന് പ്രധാനമാണ്.

നാലാം ആഷസ് ടെസ്റ്റിനുള്ള ഇംഗ്ലണ്ട് ടീം: ബെൻ സ്റ്റോക്സ് (ക്യാപ്റ്റൻ), മോയിൻ അലി, ജെയിംസ് ആൻഡേഴ്സൺ, ജൊനാഥൻ ബെയർസ്റ്റോ, സ്റ്റുവർട്ട് ബ്രോഡ്, ഹാരി ബ്രൂക്ക്, സാക്ക് ക്രാളി, ബെൻ ഡക്കറ്റ്, ഡാൻ ലോറൻസ്, ഒല്ലി റോബിൻസൺ, ജോ റൂട്ട്, ജോഷ് ടോംഗ്, ക്രിസ് വോക്സ്, മാർക്ക് വുഡ്