പ്രീ സീസണ്‍ പരിശീലനം ആരംഭിച്ച് ബാഴ്സലോണ,റയല്‍ മാഡ്രിഡ്‌ ടീമുകള്‍
ലാലിഗയിലെ കരുത്തര്‍ ആയ ബാഴ്സലോണയും റയല്‍ മാഡ്രിഡും ഇന്നലെ തങ്ങളുടെ സീസണിനു വേണ്ടിയുള്ള തയ്യാര്‍ എടുപ്പിന്റെ ഭാഗമായി ആദ്യത്തെ പ്രീസീസന്‍ പൂര്‍ത്തിയാക്കി. ബാഴ്സയുടെയും റയല്‍ മാഡ്രിഡിന്‍റെയും എല്ലാ പ്രധാന പ്രീ സീസണ്‍ മത്സരങ്ങളും നടക്കാന്‍ പോകുന്നത് അമേരിക്കന്‍ മണ്ണില്‍ ആണ്.അവിടെ വെച്ച് ഇരു ടീമുകളും നാല് മത്സരങ്ങള്‍ വീതം കളിക്കും.
സാവിക്ക് കീഴില്‍ ബാൾഡെ, ഡെസ്റ്റ്, എറിക്, ഫെറാൻ, ഇനാക്കി ക്രാഗ്, ഇനിഗോ മാർട്ടിനെസ്, ലെങ്‌ലെറ്റ്, മാർക്കോസ് അലോണ്‍സോ എന്നിവര്‍ ഉള്‍പ്പടെ ആദ്യ ടീമിലെ പ്രധാന താരങ്ങള്‍ ആയ അറൂഹോ,പെഡ്രി,റഫീഞ്ഞ എന്നിവരും ഇന്നലത്തെ സെഷനില്‍ പങ്കെടുത്തു.നാഷണല്‍ ഫുട്ബോള്‍ കളിച്ച താരങ്ങളുടെ അവധി കാലം ഇനിയും നീളും.ഉസ്മാന്‍ ഡെമ്പലെ,ഗാവി,അന്‍സു ഫാട്ടി എന്നിവര്‍ എല്ലാം ഇപ്പോള്‍ വെക്കേഷനില്‍ ആണ്.റയലിന് വേണ്ടി നടന്ന ആദ്യ സെഷനില്‍ ഇന്നലെ സീനിയര്‍ താരങ്ങള്‍ ആയ ലൂക്ക മോഡ്രിച്ച്,ക്രൂസ്,കോര്‍ട്ട്വ എന്നിവര്‍ പങ്കെടുത്തിരുന്നു. കൂടാതെ അവരുടെ ബ്രാന്‍ഡ്‌ ന്യൂ സൈനിങ്ങുകള്‍ ആയ ആര്‍ദ ഗൂളര്‍,ജൂഡ് ബെലിംഗ്ഹാം എന്നിവരും ഇന്നലത്തെ സെഷനില്‍ പരിശീലനം നടത്തിയിരുന്നു.
