സ്റ്റീവൻ ജെറാർഡിനെ പരിശീലകനായി നിയമിക്കാൻ ഒരുങ്ങി അല്‍ – ഇത്തിഫാക്ക്
സ്റ്റീവൻ ജെറാർഡിനെ തങ്ങളുടെ മാനേജര്‍ പോസ്റ്റിലേക്ക് ക്ഷണിച്ച് കൊണ്ട് സൗദി ക്ലബ്‌ അൽ ഇത്തിഫാക്ക്.ഓഫര്‍ ഇംഗ്ലീഷ് താരം സ്വീകരിക്കാനുള്ള മട്ടില്‍ ആണ്,എന്നാല്‍ ക്ലബിനോട് തീരുമാനം അറിയിക്കുന്നതിന് വേണ്ടി കുറച്ച് സാവധാനം താരം ആവശ്യപ്പെട്ടിട്ടുണ്ട് എന്ന് പ്രമുഖ പത്രമായ റോയിട്ടേഴ്‌സ് പറഞ്ഞു.മുൻ ലിവർപൂൾ ക്യാപ്റ്റൻ മോശം ഫോമിനെ തുടര്‍ന്ന് ആസ്റ്റൺ വില്ലയുടെ പരിശീലക സ്ഥാനം ഉപേക്ഷിച്ചിരുന്നു.
അതിനുമുമ്പ്, 2020-2021 സീസണിൽ റേഞ്ചേഴ്സിനെ സ്കോട്ടിഷ് പ്രീമിയർ ലീഗ് കിരീടത്തിലേക്ക് നയിക്കാന്‍ ജെറാര്‍ഡിനെ കൊണ്ട് കഴിഞ്ഞിരുന്നു.പ്രീമിയര്‍ ലീഗില്‍ അടി തെറ്റി എങ്കിലും ഒരു തരകേടില്ലാത്ത പോര്‍ട്ട്‌ഫോളിയോ സൂക്ഷിക്കുന്ന മാനേജര്‍ ആണ് ജെറാര്‍ഡ്.ആസ്ട്ടന്‍ വില്ലയില്‍ നിന്ന് പ്രവര്‍ത്തനം നിര്‍ത്തി വന്നപ്പോള്‍ അദ്ദേഹത്തിനെ ടീമിലേക്ക് എടുക്കാന്‍ പല പ്രീമിയര്‍ ലീഗ് ക്ലബുകള്‍ തന്നെ രംഗത്ത് വന്നിരുന്നു.എന്നാല്‍ ഇപ്പോള്‍ സൗദി ലീഗിലേക്ക് ശ്രദ്ധ മാറ്റിയ ജെറാര്‍ഡ് ഇംഗ്ലണ്ടിലെ സമ്മര്‍ദത്തില്‍ നിന്ന് മാറി നില്‍ക്കാന്‍ ആഗ്രഹിക്കുന്നു.താരം കൂടുതല്‍ എക്സ്പീരിയന്‍സ് നേടി ഉടന്‍ തന്നെ പ്രീമിയര്‍ ലീഗിലേക്ക് തന്നെ തിരിച്ചു വരാനുള്ള സാധ്യതയും തള്ളികളയാന്‍ ആകില്ല.
