മൂന്ന് വർഷത്തെ കരാറില്‍ ബാഴ്സ ഗുണ്ടോഗനെ സൈന്‍ ചെയ്യും
ബാഴ്സയും ഇൽകെ ഗുണ്ടോഗനും തമ്മില്‍ വാക്കാല്‍ ഉള്ള കരാറില്‍ എത്തിയതായി റിപ്പോര്‍ട്ട് നല്‍കി സ്പാനിഷ് മാധ്യമമായ സ്പോര്‍ട്ട്.മാഞ്ചസ്റ്റർ സിറ്റിയുടെയും ആഴ്സണലിന്റെയും ഇടപെടൽ ഉണ്ടായിരുന്നിട്ടും പ്രീമിയര്‍ ലീഗില്‍ തന്റെ കരിയറിന് വിരാമം ഇടാനുള്ള തീരുമാനത്തില്‍ തന്നെ ആയിരുന്നു താരം.ഇതുവരെ ഒന്നും ഒപ്പിട്ടിട്ടില്ലെങ്കിലും ബ്ലൂഗ്രാന ക്ലബ് അദ്ദേഹത്തിന് മൂന്ന് വർഷത്തെ നിശ്ചിത കരാര്‍ ആണ് നല്‍കിയിരിക്കുന്നത്.
ഇന്റർ മിലാനെതിരെ ചാമ്പ്യൻസ് ലീഗ് ഫൈനലിന് ശേഷം ഗുണ്ടോഗൻ തന്റെ ഭാവി പ്രഖ്യാപിക്കും എന്നാണ് സ്പോര്‍ട്ട് വെളിപ്പെടുത്തിയത്.താരത്തിന്‍റെ സിറ്റിയില്‍ ഉള്ള വേതനത്തില്‍ നിന്ന് വളരെ ചുരുങ്ങിയ സാലറിയാണ് ബാഴ്സ നല്‍കാന്‍ പോകുന്നത്.എന്നാല്‍ പ്ലേയിങ്ങ് ടൈമും കൂടാതെ ഒരു നല്ല സ്പോര്‍ട്ടിങ്ങ് പ്രൊജക്റ്റ്‌,ബാഴ്സയില്‍ നിന്ന് നല്ല രീതിയില്‍ ഉള്ള വിരമിക്കല്‍ ഇതെല്ലാം ആണ് താരത്തിന്‍റെ ആവശ്യങ്ങള്‍.ഇതിനെല്ലാം സാവിയും കൂട്ടരും സമ്മതം മൂളുകയും ചെയ്തിട്ടുണ്ട്.
