ഈ സമ്മറോടെ ഡെക്ലാൻ റൈസിന്‍റെ കാര്യത്തില്‍ തീരുമാനം വരുത്താന്‍ ചെല്‍സി
സമ്മർ ട്രാൻസ്ഫർ വിൻഡോയിൽ വെസ്റ്റ് ഹാം യുണൈറ്റഡ് മിഡ്ഫീൽഡർ ഡെക്ലാൻ റൈസിനെ സൈന്‍ ചെയ്യുന്ന ലക്ഷ്യത്തില്‍ ചെല്‍സി മറ്റ് ക്ലബുകളെക്കാള്‍ എത്രയോ മുന്നില്‍ ആണ്.ഇംഗ്ലണ്ട് ഇന്റർനാഷണല്‍ താരത്തിനു വേണ്ടി ഏറെ കാലമായി ചെല്‍സി നീക്കങ്ങള്‍ നടത്തുന്നു. ചെല്‍സി യൂത്ത് അകാടെമിയില്‍ നിന്ന് ബിരുദം നേടിയ താരം വെസ്റ്റ് ഹാമിനായി 215 സീനിയര്‍ മത്സരങ്ങൾ കളിച്ചിട്ടുണ്ട്.
താരത്തിന് കരാര്‍ നീട്ടി നല്‍കി അദ്ധേഹത്തിന്റെ സേവനം 2025 വരെ നിലനിര്‍ത്താന്‍ വെസ്റ്റ് ഹാം ആഗ്രഹിക്കുന്നുണ്ട് എങ്കിലും താരത്തിന് തന്റെ ഇനിയുള്ള കരിയറില്‍ മുന്‍നിര ക്ലബുകള്‍ക്ക് വേണ്ടി കളിക്കാന്‍ ആണ് ആഗ്രഹിക്കുന്നത്.താരത്തിന് വേണ്ടി സിറ്റി, യുണൈറ്റഡ്, ലിവര്‍പൂള്‍ എന്നിവര്‍ ഒരു കാലത്ത് വിപണിയില്‍ നീക്കങ്ങള്‍ നടത്തിയിരുന്നു എങ്കിലും ഇപ്പോള്‍ ഒപ്പ് നേടുന്നതിനുള്ള മേല്‍ക്കൈ ചെല്‍സിക്ക് തന്നെ ആണ്. ജോര്‍ജീഞ്ഞോ, കാന്‍റെ എന്നിവരുടെ കാര്യത്തില്‍ ഉള്ള അനിശ്ചിതത്വം യുവ മിഡ്ഫീല്‍ഡര്‍ക്ക് വേണ്ടിയുള്ള ചെല്‍സിയുടെ നീക്കം കൂടുതല്‍ ശക്തം ആക്കിയെക്കും.
