ഇൻസ്റ്റഗ്രാമിലും റെക്കോർഡ് ഇട്ട് റൊണാൾഡോ; 500 മില്യൺ കടന്ന് ഫോളോവേർസ്.!
ലോകഫുട്ബോളിലെ ഏറ്റവും മികച്ച താരങ്ങളിൽ ഒരാളാണ് സാക്ഷാൽ ക്രിസ്റ്റിയാനോ റൊണാൾഡോ. ഒട്ടേറെ റെക്കോർഡുകൾ ഇതിനോടകം തന്നെ അദ്ദേഹം സ്വന്തം പേരിൽ കുറിച്ചിട്ടുണ്ട്. ഇപ്പോഴിതാ ഇൻസ്റ്റാഗ്രാമിലും താരം പുതിയ റെക്കോർഡ് ഇട്ടിരിക്കുകയാണ്. ഇൻസ്റ്റഗ്രാമിൽ 500 മില്യൺ ഫോളോവേഴ്‌സിനെ സ്വന്തമാക്കുന്ന ആദ്യ വ്യക്തിയെന്ന റെക്കോർഡ് ആണ് റൊണാൾഡോ ഇപ്പൊൾ സ്വന്തം പേരിൽ കുറിച്ചിരിക്കുന്നത്.
മറ്റെല്ലാവരെയും അപേക്ഷിച്ച് റെക്കോർഡ് വേഗത്തിലാണ് താരത്തിൻ്റെ ഫോളോവേഴ്‌സിൻ്റെ എണ്ണം വർദ്ധിച്ചുവരുന്നത്. രണ്ടാം സ്ഥാനത്തുള്ള ലയണൽ മെസ്സിക്ക് 376 മില്യൺ ഫോളോവേഴ്സ് ആണ് ഇൻസ്റ്റയിൽ ഉള്ളത്. എന്തായാലും ഫുട്ബാളിൽ മാത്രമല്ല സോഷ്യൽ മീഡിയയിലും താൻ മുമ്പിലുണ്ടെന്ന് ക്രിസ്റ്റ്യാനോ തെളിയിച്ചിരിക്കുകയാണ്.
