അടുത്ത വേനൽക്കാലത്ത് ബെർണാഡോ സിൽവയെ സ്വന്തമാക്കാൻ ബാഴ്സലോണ
മാഞ്ചസ്റ്റർ സിറ്റിയുടെ മിഡ്ഫീൽഡർ ആയ ബെർണാഡോ സിൽവയെ ക്യാമ്പ് നൗവിലേക്ക് കൊണ്ടുവരാൻ ബാഴ്സലോണ മാനേജ്മെന്റ്റ് ശ്രമം തുടരും.പോർച്ചുഗൽ ഇന്റർനാഷണൽ താരം കഴിഞ്ഞ സീസണിൽ ബാഴ്സയുമായി കരാറിൽ ഒപ്പിടും എന്ന് അഭ്യൂഹങ്ങൾ ഉണ്ടായിരുന്നു എങ്കിലും വിൻഡോയുടെ അവസാന നാളുകളിൽ സിറ്റിയിൽ തുടരാൻ അദ്ദേഹം തീരുമാനിക്കുകയായിരുന്നു.ഈ സീസണിലും താരം പെപ്പിന് കീഴിൽ മികച്ച ഫൂട്ബോൾ കളിക്കുന്നുണ്ട് എങ്കിലും ഇംഗ്ലണ്ട് വിടാനുള്ള തീരുമാനത്തിൽ അദ്ദേഹം ഇപ്പോഴും ഉറച്ച് നിൽക്കുന്നു.
ഗാവി,പെഡ്രി,ഡി യോങ് ,കേസ്സി,ബുസ്ക്കറ്റസ് എന്നിങ്ങനെ ടെക്നികൽ മിഡ്ഫീൽഡർമാരെ കൊണ്ട് നിറഞ്ഞിരിക്കുന്ന ബാഴ്സ സ്ക്വാഡിലേക്ക് മറ്റൊരു ടെക്നികൽ താരമായ സിൽവയുടെ വരവ് എന്ത് മാറ്റം കൊണ്ട് വരും എന്നാണ് ബാഴ്സ മാനേജ്മെന്റ് കരുതുന്നത് എന്നതിൽ ഇപ്പോഴും അവ്യക്തത തുടരുന്നു. ചോദിക്കുന്ന പണം നല്കുകയാണെങ്കിൽ താരത്തെ വിടാൻ തന്നെ ആണ് ഇപ്പോഴും സിറ്റിയുടെ തീരുമാനം.
