അർജൻ്റൈൻ ടീം ഖത്തറിൽ എത്തി.!

ലോകകപ്പിനുള്ള അർജൻ്റൈൻ ടീം ഖത്തറിൽ എത്തി. ഇന്നലെ രാത്രി യു.എ.ഇയുമായി നടന്ന മത്സര ശേഷമാണ് സ്കലോണിയും സംഘവും ഖത്തറിലേക്ക് തിരിച്ചത്. ഈയൊരു മത്സരത്തിൽ എതിരില്ലാത്ത 5 ഗോളുകൾക്ക് യു.എ.ഇയെ തകർക്കുവാൻ അർജൻ്റീനയ്ക്ക് സാധിച്ചിരുന്നു. 2 ഗോളും 1 അസിസ്റ്റുമായി ഡി മരിയ കളം നിറഞ്ഞപ്പോൾ, സൂപ്പർ താരം ലയണൽ മെസ്സി ഒരു ഗോളും ഒരു അസിസ്റ്റും സ്വന്തമാക്കി. ജൂലിയൻ അൽവാരസും, ജോക്വിം കൊറിയയും ആണ് ശേഷിച്ച ഗോളുകൾ നേടിയത്. ഇതോടെ മികച്ച തുടക്കമാണ് ലോകകപ്പ് ക്യാമ്പെയ്നിൽ അർജൻ്റീനയ്ക്ക് ലഭിച്ചിരിക്കുന്നത്.

ഈയൊരു മത്സരം ശേഷമാണ് അർജൻ്റീന ഖത്തറിലേക്ക് പറന്നത്. സ്കലോണിയുടെ നേതൃത്വത്തിൽ ദോഹയിലെത്തിയ ടീമിനെ വരവേൽക്കാൻ ഒരു ആരധകക്കൂട്ടം അവിടെ ഉണ്ടായിരുന്നു. ദോഹയിലെ ഖത്തർ യൂണിവേഴ്സിറ്റിയിലാണ് അർജൻ്റൈൻ ടീം ക്യാമ്പ് ചെയ്യുന്നത്. ടീമിൻ്റെ പരിശീലനങ്ങൾക്ക് വേണ്ട എല്ലാവിധ സൗകര്യങ്ങളും അവിടെ ഒരുക്കിയിട്ടുണ്ട്. ഇന്ന് വൈകിട്ട് ആയിരിക്കും ടീം ആദ്യ പരിശീലനത്തിന് ഇറങ്ങുക. വരുന്ന 22ആം തീയതി സൗദി അറേബ്യയുമായാണ് അർജൻ്റീനയുടെ ആദ്യ മത്സരം.