ചെൽസിയെ മറികടന്ന് ആഴ്സണൽ ; ലക്ഷ്യം ഇന്റർ മിലാന്റെ ഡെൻസൽ ഡംഫ്രീസ്
ഇന്റർ മിലാൻ ഡിഫൻഡർ ഡെൻസൽ ഡംഫ്രീസിനായുള്ള മത്സരത്തിൽ ചെൽസിയെ ആഴ്സണല്‍ കടത്തിവെട്ടിയതായി റിപ്പോര്‍ട്ട്.2021 ലെ സമ്മര്‍ വിന്‍ഡോയില്‍ മിലാനില്‍ എത്തിയ താരത്തിനു ഇന്‍റര്‍ ഇട്ടിരിക്കുന്ന പ്രൈസ് ടാഗ് 35 മില്യൺ യൂറോയാണ്.എന്നിരുന്നാലും, ഗണ്ണേഴ്‌സ് നെതർലാൻഡ്‌സ് ഇന്റർനാഷണല്‍ താരത്തിനായി 30 മില്യന്‍ യൂറോ വരെ ചിലവക്കാനെ ആഗ്രഹിക്കുന്നുള്ളൂ.
മൈക്കൽ അർട്ടെറ്റ നിലവിൽ ബെൻ വൈറ്റിനെ ഒരു താൽക്കാലിക റൈറ്റ് ബാക്ക് ആയി ഉപയോഗിക്കുന്നു.ആ പൊസിഷനില്‍ താരം മികച്ച മുന്നേറ്റം നടത്തുകയും കൂടാതെ ഗാരെത് സൗത്ത്ഗേറ്റിന്റെ ലോകകപ്പ് ടീമിൽ താരം ഇടം നേടുകയും ചെയ്തു.ഈ സീസണിൽ ഇതുവരെ 25 മത്സരങ്ങളിൽ ഡംഫ്രീസ് കളിച്ചിട്ടുണ്ട്.സീരി എയിൽ ഇന്റർ മിലാന്‍ അടുത്തിടെ മികച്ച തിരിച്ചുവരവ് ആണ് കാഴ്ച്ചവെച്ചത്.ഇന്‍സാഗിക്ക് കീഴില്‍ ഡച്ച് താരം ടീമിന് വേണ്ടി മികച്ച ഫോമില്‍ ആണ്.രണ്ട് ഗോളുകള്‍ മൂന്ന് അസിസ്റ്റുകള്‍ എന്നിങ്ങനെ പോകുന്നു അദ്ദേഹത്തിന്റെ ഈ സീസണിലെ ടാലി.
