ഫ്രാങ്ക് കെസി – ഡഗ്ലസ് ലൂയിസ് സ്വാപ് ഡീലുമായി ആസ്റ്റൺ വില്ലയുടെ കതകില്‍ മുട്ടി ബാഴ്സലോണ
ആസ്റ്റൺ വില്ല താരം ഡഗ്ലസ് ലൂയിസിനെ സൈൻ ചെയ്യാൻ ബാഴ്‌സലോണയ്ക്ക് താൽപ്പര്യമുണ്ടെന്ന് റിപ്പോർട്ട്.കരാറിന്റെ ഭാഗമായി ഫ്രാങ്ക് കെസിയെ വാഗ്ദാനം ചെയ്യാനും അവര്‍ തയ്യാറാണ്.വേനൽക്കാല ട്രാന്‍സ്ഫര്‍ വിന്‍ഡോയില്‍ താരം വില്ല പാർക്കിൽ നിന്ന് മാറാന്‍ ആഗ്രഹം പ്രകടിപ്പിച്ചിരുന്നു.2026 ജൂൺ വരെ ക്ലബ്ബിൽ തുടരാനുള്ള കരാറില്‍ അദ്ദേഹം ഈ അടുത്ത് ആണ് ഒപ്പ് വെച്ചത്.
ബാഴ്സലോണ ഈ വിന്‍റര്‍ ട്രാന്‍സ്ഫര്‍ ജാലകത്തില്‍ മിഡ് ഫീല്‍ഡ് ഓപ്ഷന്‍ കൂടുതല്‍ വൈവിധ്യം ആക്കാന്‍ ആഗ്രഹിക്കുന്നുണ്ട്.ശാരീരികമായി മിഡ്ഫീല്‍ഡില്‍ എതിരാളികളെ നേരിടാന്‍ ബാഴ്സക്ക് ഒരു താരത്തിന്‍റെ കുറവ് ഉണ്ട്.കെസ്സി അതെ പ്രൊഫൈലില്‍ ഉള്ള ഒരു താരം ആണ് എങ്കിലും താരം ബാഴ്സയില്‍ മറ്റ് താരങ്ങളുമായി ഇതുവരെ സമന്വയപ്പെട്ടിട്ടില്ല.അതിനാല്‍ ഒരു സ്വാപ് ഡീല്‍ ആയിരിക്കും തങ്ങള്‍ക്ക് നല്ലത് എന്ന് ബാഴ്സ മാനെജ്മെന്റ് കരുതുന്നു.
