ബാഴ്സലോണയിലേക്കുള്ള വിളി താന്‍ നിരസിച്ചെന്ന് റുഡിഗര്‍
ജൂലൈയിൽ റയൽ മാഡ്രിഡിൽ ഫ്രീ ഏജന്റായി ചേരുന്നതിന് മുമ്പ് ബാഴ്സലോണയിലേക്കുള്ള നീക്കം താൻ നിരസിച്ചതായി അന്റോണിയോ റൂഡിഗർ വെളിപ്പെടുത്തി. ചെൽസിയുമായുള്ള കരാർ അവസാനിച്ചതിന് ശേഷം ജർമ്മനി ഇന്റർനാഷണൽ മാഡ്രിഡുമായി നാല് വർഷത്തെ കരാറിൽ ഒപ്പുവച്ചു.ഇന്നലെ സ്പാനിഷ് പത്രമായ എഎസിനോട് നല്‍കിയ അഭിമുഖത്തില്‍ ആയിരുന്നു താരം ഇത് വെളിപ്പെടുത്തിയത്.
“മാഡ്രിഡ്‌ ഒരു കിട്ടാകനി പോലെ ആയിരുന്നു എനിക്ക്.അവര്‍ വിളിച്ചപ്പോള്‍ ഒന്നും എനിക്ക് ചിന്തിക്കേണ്ടി വന്നില്ല.ബാഴ്സലോണ ഒരു ഓപ്ഷന്‍ ആയി കരുതിയിരുന്നില്ല. സിദാന്‍, റൊണാള്‍ഡോ, മോഡ്രിച്ച്, ടോണി ക്രൂസ്, കരിം ബെൻസെമ എന്നിങ്ങനെ ഇത്രയും ഇതിഹാസങ്ങള്‍ കളിച്ച ക്ലബില്‍ കളിക്കുക എന്നത് ഭാഗ്യത്തിലും അപ്പുറം ആണ്.”ജര്‍മന്‍ താരം വെളിപ്പെടുത്തി.മോഡ്രിച്ചിനെപ്പോലെ 37-ാം വയസ്സിലും റയൽ മാഡ്രിഡിനു വേണ്ടി കളിക്കണം എന്നതാണ് തന്‍റെ ലക്ഷ്യം എന്നും അദ്ദേഹം അഭിമുഖത്തില്‍ പറഞ്ഞു.
