ടോട്ടന്‍ഹാം താരത്തിന്‍റെ സൈനിങ്ങ് ; റയലിനെ വെല്ലുവിളിച്ച് പിഎസ്ജി
പ്രീമിയർ ലീഗിലെ സൂപ്പര്‍ താരമായ സണ്‍ ഹ്യൂങ്-മിനിന്‍റെ സൈന്‍ നേടുന്നതിന് വേണ്ടി റയലിനെ വെല്ലുവിളിക്കാന്‍ ഒരുങ്ങി പിഎസ്ജി.അന്‍സലോട്ടിയുടെ നേതൃത്വത്തില്‍ സണിനെ സൈന്‍ ചെയ്യാന്‍ റയല്‍ നീക്കം നടത്താന്‍ ഒരുങ്ങുന്നുണ്ട് എന്ന് വാര്‍ത്ത വന്നിരുന്നു.ദക്ഷിണ കൊറിയൻ താരം ഈ സീസണിൽ 19 മത്സരങ്ങൾ കളിച്ചു, അഞ്ച് ഗോളുകളും രണ്ട് അസിസ്റ്റുകളും സംഭാവന ചെയ്തിട്ടുണ്ട്.
കഴിഞ്ഞ കുറച്ചു സീസണുകളിലായി സണ്‍ വളരെയേറെ മികച്ച രീതിയില്‍ പന്ത് തട്ടുന്നുണ്ട് എങ്കിലും വേണ്ട രീതിയില്‍ ഉള്ള പരിഗണന അദ്ദേഹത്തിന് ലഭിക്കുന്നില്ല.താരത്തിന് സ്പര്‍സ് ആവശ്യപ്പെടുന്നത് 80 മില്യന്‍ യൂറോയാണ്.ഇതിനെ റയല്‍ പ്രസിഡന്റ്‌ പെരെസ് എതിര്‍ക്കുന്നു.മറ്റ് ഓപ്ഷനുകള്‍ എല്ലാം പഠിച്ച ശേഷം മാത്രമേ ഈ ഡീലുമായി അദ്ദേഹം മുന്നോട്ട് പോകാന്‍ ഉദ്ദേശിക്കുന്നുള്ളൂ.ഈ ഒരു അവസരം മുതല്‍ എടുക്കാന്‍ ആണ് പിഎസ്ജി കരുതുന്നത്.ടോട്ടന്‍ഹാം ആവശ്യപ്പെടുന്ന തുക ഒരു എതിര്‍പ്പും കൂടാതെ നല്‍കാന്‍ ആണ് പിഎസ്ജി തീരുമാനിച്ചിരിക്കുന്നത്.
