പൽമീറസ് മിഡ്ഫീൽഡർ ഡാനിലോയുടെ സൈനിംഗ് പൂര്‍ത്തിയാക്കുന്നതിന്റെ അന്തിമ ഘട്ടത്തില്‍ ആഴ്സണല്‍
ദിവസങ്ങൾക്കുമുമ്പ് പൽമീറസ് മിഡ്ഫീൽഡർ ഡാനിലോയെ കാണാൻ സ്കൗട്ടുകളെ അയച്ചതിന് ശേഷം ആഴ്സണൽ സൈനിംഗ് അവസാനിപ്പിക്കുന്നതായി റിപ്പോർട്ട്.കഴിഞ്ഞ സമ്മറില്‍ ഒരു ഡീല്‍ പൂര്‍ത്തിയാക്കാന്‍ ആഴ്സണല്‍ ശ്രമം നടത്തി എങ്കിലും കോപ്പ ലിബർട്ടഡോർസ് കാമ്പെയ്‌നിന് നടുവില്‍ തങ്ങളുടെ ഏറ്റവും വലിയ പ്രതിഭകളിലോരാളെ വിൽക്കാൻ ബ്രസീലിയൻ ടീം ആഗ്രഹിച്ചിരുന്നില്ല.
സെമി ഫൈനലിൽ അത്‌ലറ്റിക്കോ പരാനെയ്‌സിനോട് 3-2 ന് തോറ്റതിനാൽ ആ കാമ്പെയ്‌ൻ ഇപ്പോൾ അവസാനിച്ചു, ഇതോടെ താരത്തിനെ വില്‍ക്കാന്‍ ബ്രസീലിയന്‍ ക്ലബ് തയ്യാര്‍ ആയി കഴിഞ്ഞു എന്ന് ബ്രസീലിയൻ ഔട്ട്‌ലെറ്റ് ബോല വിഐപി റിപ്പോർട്ട് ചെയ്യുന്നു.മിഡ് ഫീല്‍ഡില്‍ ഹോള്‍ഡിങ്ങ് മിഡ്ഫീല്‍ഡര്‍ ആയും അറ്റാക്കിംഗ് റോളില്‍ കളിക്കാനും താരത്തിനു കഴിയും എന്നതിനാല്‍ ആഴ്സണല്‍ മിഡ്ഫീല്‍ഡില്‍ താരം കൂടുതല്‍ ഡെപ്ത് നല്‍കിയേക്കും.ഈ വിന്‍റര്‍ ട്രാന്‍സ്ഫര്‍ വിന്‍ഡോയില്‍ തങ്ങളുടെ മിഡ്ഫീല്‍ഡ് ശക്തിപ്പെടുത്തുക എന്നത് ആണ് കോച്ച് ആര്‍റ്റെട്ടയുടെ പ്രധാന ലക്ഷ്യം.അതിന്‍റെ ആദ്യ പടിയാണ് ഈ സൈനിങ്ങ്.
