യുണൈറ്റഡില് നിന്ന് ക്രിസ്റ്റ്യാനോ റൊണാൾഡോ രക്ഷിക്കാന് പ്ലാനുമായി സ്പോർട്ടിംഗ് ലിസ്ബൺ
ജനുവരിയിൽ മാഞ്ചസ്റ്റർ യുണൈറ്റഡിൽ നിന്ന് ക്രിസ്റ്റ്യാനോ റൊണാൾഡോയേ രക്ഷപ്പെടുത്താനുള്ള പ്ലാനുമായി സ്പോർട്ടിംഗ് ലിസ്ബൺ.ടോട്ടൻഹാം ഹോട്സ്പറിനെതിരെ പകരക്കാരനായി ഇറങ്ങാൻ റൊണാൾഡോ വിസമ്മതിച്ചതോടെ റൊണാള്ഡോയും ക്ലബും തമ്മില് ഉള്ള പ്രശ്നം കൂടുതല് വഷളായി.37-കാരൻ ഓൾഡ് ട്രാഫോർഡിൽ സീസൺ അവസാനം വരെ കരാറില് തുടര്ന്നേക്കും.
ദ മിറർ നല്കിയ റിപ്പോര്ട്ട് പ്രകാരം ഈ അവസരം മുതല് എടുക്കാന് തീരുമാനിച്ചിരിക്കുകയാണ് ലിസ്ബണ്.താരം തന്റെ ശംബളം ചുരുക്കാന് തയ്യാറാണ് എങ്കില് ജനുവരിയില് തന്നെ ഒരു ബിഡ് നല്കാന് ആണ് ലിസ്ബന്റെ തീരുമാനം.നിലവില് ഗ്രൂപ്പ് ഡി യില് രണ്ടാം സ്ഥാനത്താണ് ലിസ്ബണ് ഉള്ളത്.അവര് നോക്കൌട്ട് റൗണ്ടിലേക്ക് കടന്നാല് മാത്രം ആയിരിക്കും ഈ ഒരു ഡീല് നടക്കാനുള്ള വിദൂര സാധ്യതയെങ്കിലും കാണുന്നുള്ളൂ.ചാമ്പ്യന്സ് ലീഗ് ഫുട്ബോള് കളിക്കുക എന്നത് തന്നെ ആണ് റൊണാള്ഡോയുടെയും ലക്ഷ്യം.അതിനാല് ഇരു കക്ഷികള്ക്കും ഒരു ഡീലില് എത്താന് കഴിയും എന്നാണു മാധ്യമങ്ങള് കണക്ക് കൂട്ടുന്നത്. 2003-ൽ മാൻ യുണൈറ്റഡിലേക്ക് മാറുന്നതിന് മുമ്പ് റൊണാൾഡോ ലിസ് ബണ് വേണ്ടി 31 മത്സരങ്ങളിൽ നിന്ന് അഞ്ച് ഗോളുകളും ആറു അസിസ്റ്റുകളും നേടിയിട്ടുണ്ട്.
