ഡിഗിയയുടെ പകരക്കാരെ തിരയുന്ന തിരക്കില്‍ യുണൈറ്റഡ്
മാഞ്ചസ്റ്റർ യുണൈറ്റഡ് പോർട്ടോയുടെ ഡിയോഗോ കോസ്റ്റയെയും അത്‌ലറ്റിക് ബിൽബാവോയുടെ ഉനായ് സൈമണെയും ഗോള്‍ കീപ്പര്‍ പോസിഷനിലെക്ക് സ്കൗട്ട് ചെയ്യാന്‍ പരിഗണിക്കുന്നതായി റിപ്പോർട്ട് ചെയ്യുന്നു.അടുത്ത സീസണിലേക്ക് പുതിയ ഗോൾകീപ്പറെ സൈൻ ചെയ്യാൻ ക്ലബ് കാര്യമായി ആലോചിക്കുന്നുണ്ട്.സീസണിന്റെ അവസാനത്തോടെ ഡി ഗിയയുടെ കരാര്‍ അവസാനിക്കും.എറിക് ടെന്‍ ഹാഗിന് വേണ്ടത് ബില്‍ഡ് അപ്പില്‍ പങ്കെടുക്കുന്ന ഒരു ഷോട്ട് സ്റ്റോപ്പറേ ആണ്.
23 കാരനായ കോസ്റ്റ 2022-23 കാമ്പെയ്‌നിനിടെ പോർട്ടോയ്‌ക്കായി മികച്ച ഫോമിലാണ്.15 മത്സരങ്ങളില്‍ നിന്ന് എട്ട് ക്ലീന്‍ ചീട്ട് നേടിയ താരത്തിനെ ഇപ്പോള്‍ നഷ്ട്ടപ്പെടുത്താന്‍ പോര്‍ട്ടോക്ക് തീരെ താല്‍പര്യം ഇല്ല.അതേസമയം, സീസണിന്റെ തുടക്കത്തിൽ അത്‌ലറ്റിക്കിനായി 11 മത്സരങ്ങളിൽ നിന്ന് നാല് ക്ലീൻ ഷീറ്റുകൾ നേടിയ സൈമണും യുണൈറ്റഡിന്റെ ശ്രദ്ധ പിടിച്ചു പറ്റുന്നതില്‍ വിജയം നേടിയിട്ടുണ്ട്.എന്നാല്‍ യൂറോപ്പിയന്‍ ലീഗുകളില്‍ താരത്തിന്‍റെ പരിചയ കുറവ് റെഡ് ഡെവിള്‍സ് വലിയൊരു തടസ്സം ആയി കാണുന്നു എന്നും റിപ്പോര്‍ട്ടില്‍ പറയുന്നുണ്ട്.
