യു.സി.എൽ; ടോട്ടനാമിന് ഇന്ന് എതിരാളികൾ സ്പോർടിങ്.!

യുവേഫ ചാമ്പ്യൻസ് ലീഗിൽ ടോട്ടനം ഹോട്സ്പർ ഇന്ന് പോർച്ചുഗീസ് ക്ലബ് ആയ സ്പോർട്ടിങ്ങിനെ നേരിടും. ഇന്ത്യൻ സമയം പുലർച്ചെ 12.30 ന് ടോട്ടനാമിൻ്റെ മൈതാനത്ത് വെച്ചാണ് ഈയൊരു മത്സരം നടക്കുക. നിലവിൽ 4 മത്സരങ്ങളിൽ നിന്നും 7 പോയിൻ്റ് ആണ് കോൻ്റെയുടെയും സംഘത്തിൻ്റെയും സമ്പാദ്യം. അത്രയും കളികളിൽ നിന്നും 6 പോയിൻ്റ് നേടിയ സ്പോർട്ടിങ് തൊട്ടുപിന്നിലുണ്ട്. 2ആം സ്ഥാനത്തുള്ള മാർസെയ്യിയ്ക്കും 6 പോയിൻ്റ് തന്നെയാണുള്ളത്. അതുകൊണ്ടുതന്നെ ആർക്കും നോക്കൗട്ട് റൗണ്ടിലേക്ക് പ്രവേശിക്കാം എന്ന അവസ്ഥയാണ് നിലവിൽ ഗ്രൂപ്പ് ഡിയിൽ ഉള്ളത്. അവസാന സ്ഥാനത്തുള്ള ഫ്രാങ്ക്ഫർട്ടിന് 4 പോയിൻ്റ് ഉണ്ട്. അവർക്കും സാധ്യതകൾ അവശേഷിക്കുന്നുണ്ട്. അതുകൊണ്ട് ശേഷിക്കുന്ന മത്സരങ്ങളിൽ വാശിയേറിയ പോരാട്ടം തന്നെ നമുക്ക് പ്രതീക്ഷിക്കാം.

ഇരു ടീമുകളും ആദ്യ മത്സരത്തിൽ സ്പോർട്ടിങ്ങിൻ്റെ മൈതാനത്ത് ഏറ്റുമുട്ടിയപ്പോൾ എതിരില്ലാത്ത 2 ഗോളുകൾക്ക് ടോട്ടനം പരാജയം ഏറ്റുവാങ്ങിയിരുന്നു. അതിനൊരു മധുരപ്രതികാരം കൂടി ഇന്നത്തെ മത്സരത്തിൽ കാണാൻ സാധിച്ചേക്കാം.