ഇൽകെ ഗുണ്ടോഗന് വേണ്ടി ടര്ക്കിഷ് ക്ലബ് ആയ ഗലാറ്റസരെയും രംഗത്ത്
മാഞ്ചസ്റ്റർ സിറ്റിയുടെ മിഡ്ഫീൽഡർ ഇൽകെ ഗുണ്ടോഗനെ ഫ്രീ ട്രാൻസ്ഫറിൽ സൈൻ ചെയ്യാനുള്ള മത്സരാർത്ഥികളായി തുർക്കി ഭീമൻമാരായ ഗലാറ്റസരെയും.പ്രീമിയർ ലീഗ് ചാമ്പ്യന്മാരുമായുള്ള പുതിയ കരാറിന് ജർമ്മനി ഇന്റർനാഷണൽ ഇതുവരെ സമ്മതിച്ചിട്ടില്ല, കൂടാതെ അദ്ദേഹത്തിന്റെ നിലവിലുള്ള കരാർ സീസൺ അവസാനത്തില് പൂര്ത്തിയാകുകയും ചെയ്യും.ബാഴ്സലോണയും യുവന്റസും സമ്മർ ട്രാൻസ്ഫർ വിൻഡോയ്ക്ക് മുന്നോടിയായി 31-കാരനെ നിരീക്ഷിവരുന്നുണ്ട്.
ടർക്കിഷ് വംശജനായ ഗുണ്ടോഗൻ തന്റെ വേരുകള് ഉള്ള നാട്ടില് കളിക്കുക എന്ന ആശയം വളരെ രസകരം ആയിരിക്കും എന്ന് ഈ അടുത്ത അഭിമുഖത്തില് താരം വെളിപ്പെടുത്തിയിരുന്നു. അമേരിക്കയും തന്റെ ഓപ്ഷനില് ഉണ്ടെന്നും അദ്ദേഹം വെളിപ്പെടുത്തി.മാൻ സിറ്റിയിൽ ഗാർഡിയോളയുടെ ആദ്യ സൈനിംഗ് ആയ ഗുണ്ടോഗൻ ഡോർട്ട്മുണ്ട് വിട്ടിട്ട് ഇപ്പോൾ ആറ് വർഷമായി, കൂടാതെ മിഡ്ഫീൽഡർ സിറ്റിസൺസിന് വേണ്ടി 267 മത്സരങ്ങളിൽ നിന്ന് 51 ഗോളുകളും 34 അസിസ്റ്റുകളും രജിസ്റ്റർ ചെയ്തിട്ടുണ്ട്.
