European Football Foot Ball Top News

പെഡ്രിയുടെ ഏക ഗോളില്‍ കടിച്ചു തൂങ്ങി ബാഴ്സലോണ

October 10, 2022

പെഡ്രിയുടെ ഏക ഗോളില്‍ കടിച്ചു തൂങ്ങി ബാഴ്സലോണ

ഞായറാഴ്ച ക്യാമ്പ് നൗവിൽ സെൽറ്റ വിഗോയ്‌ക്കെതിരെ പെഡ്രിയുടെ ആദ്യ പകുതിയിലെ ഗോളിൽ ബാഴ്‌സലോണ 1-0 ന് വിജയിച്ചു.വിജയം അവരെ ലീഗില്‍ വീണ്ടും ഒന്നാം സ്ഥാനത്തേക്ക് തിരികെയെത്തിച്ചു.എട്ടു മത്സരങ്ങളില്‍ നിന്ന് ബാഴ്സക്കും റയലിനും 22 പോയിന്റ്‌ വീധം ആണ് ഉള്ളത്.അതിനാല്‍  അടുത്ത ആഴ്ച്ചത്തെ എല്‍ ക്ലാസിക്കോയുടെ വിജയിക്ക് ഒന്നാം സ്ഥാനത് എത്താം എന്നതിനാല്‍ മികച്ച ഒരു പോരാട്ടം തന്നെ നമുക്ക് സാന്റിയാഗോ ബെര്‍ണാബ്യുവില്‍ പ്രതീക്ഷിക്കാം.

Barcelona vs Celta Vigo Highlights: Pedri's SOLITARY TAKES Barcelona to Top  Spot of La Liga - Check Highlights

ഇന്നലത്തെ മത്സരത്തില്‍ ഡെംബെലെ,അന്‍സൂ ഫാട്ടി,ഫ്രെങ്കി ഡി യോങ്ങ് എന്നിവരെ സാവി ആദ്യ ഇലവനില്‍ വിന്യസിച്ചില്ല. തുടക്കം മുതലേ സാധാരണ ഗതിയില്‍ നിന്നും കളിയുടെ പേസ് വര്‍ദ്ധിപ്പിച്ച ബാഴ്സ സെല്‍റ്റക്കെതിരെ പല മികച്ച അവസരങ്ങളും സൃഷ്ട്ടിച്ചു.സെൽറ്റയുടെ അർജന്റീനിയൻ ഗോൾകീപ്പർ അഗസ്റ്റിൻ മാർഷെസിൻ 10-ാം മിനിറ്റിൽ റാഫിൻഹയുടെ ഉജ്ജ്വലമായ ലോംഗ് റേഞ്ച് ഷോട്ടിനെ അവിശ്വസനീയമാം വിധം  തടഞ്ഞുനിർത്തി.എന്നാല്‍ ഗാവിയുടെ ക്രോസ് ക്ലിയർ ചെയ്യാൻ ശ്രമിച്ച ഡിഫൻഡർ ഉനായ് നുനെസിന്റെ പിഴവ് മുതലെടുത്ത് റീബൗണ്ടിൽ നിന്ന് പെഡ്രിയുടെ ക്ലോസ് റേഞ്ച് സ്ട്രൈക്ക് അഗസ്റ്റിൻ മാർഷെസിന് തടയാന്‍ കഴിഞ്ഞില്ല.ഇടവേളയ്ക്ക് ശേഷം സെൽറ്റ കൂടുതൽ മെച്ചപ്പെട്ടതായി കാണപ്പെട്ടു, പന്തിന്റെ നിയന്ത്രണം ഏറ്റെടുത്ത് നിരവധി അവസരങ്ങൾ സൃഷ്ടിച്ചു, പക്ഷേ മികച്ച ഫോമില്‍ ഉള്ള മാർക്ക്-ആന്ദ്രെ ടെർ സ്റ്റെഗന്‍ സെല്‍റ്റയുടെ എല്ലാ അവസരങ്ങളില്‍ നിന്നും ബാഴ്സയെ രക്ഷപ്പെടുത്തി.

Leave a comment