മൂന്നു പ്രതിരോധ താരങ്ങളെ അടുത്ത ആഴ്ച്ചക്ക് മുന്നേ പറഞ്ഞുവിടാന് യുണൈറ്റഡ് ഒരുങ്ങുന്നു
മാഞ്ചസ്റ്റർ യുണൈറ്റഡ് ബോസ് എറിക് ടെൻ ഹാഗ്, സമ്മർ ട്രാൻസ്ഫർ വിൻഡോയുടെ അവസാന ഘട്ടങ്ങളിൽ ആരോൺ വാൻ-ബിസാക്ക, ഫിൽ ജോൺസ്, ആക്സൽ ടുവൻസെബെ എന്നിവരേ പുറത്താക്കാന് ക്ലബ് മാനേജ്മെന്റിനോട് ആവശ്യപ്പെട്ടിരിക്കുന്നു.ഇറ്റാലിയൻ പത്രപ്രവർത്തകൻ ഫാബ്രിസിയോ റൊമാനോ പറയുന്നതനുസരിച്ച്, 2022-23 കാമ്പെയ്നിനായി ലോണിൽ മാർസെയിലിൽ ചേരാൻ എറിക് ബെയ്ലി സമ്മതിച്ചിരിക്കുന്നു.
ലിസാൻഡ്രോ മാർട്ടിനെസിന്റെയും ടൈറൽ മലേഷ്യയുടെയും വരവോടെ മാൻ യുണൈറ്റഡ് ഈ വേനൽക്കാലത്ത് തങ്ങളുടെ പ്രതിരോധം വളരെയേറെ മെച്ചപ്പെടുത്തിയതായി ടെന് ഹാഗ് വിശ്വസിക്കുന്നു.കഴിഞ്ഞ സീസണിൽ ജോൺസ് അഞ്ച് തവണ മാത്രമേ കളിച്ചിട്ടുള്ളൂ, പരിക്കിന്റെ പ്രശ്നങ്ങൾ കാരണം താരത്തിന്റെ കരിയറിന് കഴിഞ്ഞ കുറച്ച് വര്ഷങ്ങളായി പുരോഗതി ഒന്നും തന്നെ ലഭിച്ചിട്ടില്ല.കൂടാതെ താരത്തിനു യുണൈറ്റഡ് നല്കുന്ന വേതനവും വളരെ കൂടുതല് ആണ്.ടുവൻസെബെയും ക്ലബും തമ്മില് ഉള്ള കരാര് പൂര്ത്തിയാവാന് ഒരു വര്ഷം കൂടിയേ ബാക്കിയുള്ളൂ.കഴിഞ്ഞ സീസണില് നപോളിയിലും ആസ്ട്ടന് വില്ലയിലുമായി ലോണില് ചിലവഴിച്ച താരം ഫോമിലേക്ക് എത്തുന്നതില് പരാജയപ്പെട്ടു.ഈ സമ്മറില് ഇനിയും സൈനിങ്ങുകള് നടത്താനാണ് യുണൈറ്റഡിന്റെ തീരുമാനം.ബാഴ്സലോണയുടെ ഫ്രെങ്കി ഡി ജോംഗ്, അജാക്സ് ആന്റണി, പിഎസ്വി ഐൻഹോവൻ കോഡി ഗാക്പോ എന്നിവരെല്ലാം നിലവില് യുണൈറ്റഡിന്റെ ട്രാന്സ്ഫര് ടാര്ഗറ്റുകള് ആണ്.
