ആന്റണി മാർഷലിന് സെന്റർ ഫോർവേഡ് ആയി മുന്നേറാന്‍ അവസരം നൽകാൻ ടെന്‍ ഹാഗ്
മാഞ്ചസ്റ്റർ യുണൈറ്റഡ് ബോസ് എറിക് ടെൻ ഹാഗ്, ക്ലബിന്റെ പ്രീ-സീസൺ പര്യടനത്തിനിടെ ഒരു സെന്റർ ഫോർവേഡായി സ്വയം തെളിയിക്കാനുള്ള അവസരം ആന്റണി മാർഷ്യലിന് നൽകാൻ തയ്യാറെടുക്കുന്നതായി റിപ്പോർട്ട്.എഡിൻസൺ കവാനിയുടെ വിടവാങ്ങൽ റെഡ് ഡെവിൾസിന് ഒരു ഓപ്ഷന്‍ നഷ്ട്ടപെടുത്തി എന്നാണ് ടെന്‍ ഹാഗ് വിശ്വസിക്കുന്നത്. അതേസമയം ക്രിസ്റ്റ്യാനോ റൊണാൾഡോയും ഈ വേനൽക്കാലത്ത് ഓൾഡ് ട്രാഫോർഡ് വിടാൻ ശ്രമിക്കുന്നതായി ആരോപിക്കപ്പെടുമ്പോള്‍ മാര്‍ഷ്യല്‍ ഒരു മുതല്‍കൂട്ടാകും എന്ന വിശ്വാസത്തില്‍ ആണ് ക്ലബ് മാനേജ്മെന്‍റ്.
സെവിയ്യയിലെ ലോൺ സ്പെൽ പരാജയപ്പെട്ടതിന് ശേഷം ഈ വേനൽക്കാലത്ത് ഓൾഡ് ട്രാഫോർഡിൽ തിരിച്ചെത്തിയിരിക്കുകയാണ് ഫ്രാൻസ് ഇന്റർനാഷണല്‍.2021-22 കാമ്പെയ്‌നിന്റെ ആദ്യ പകുതിയിൽ പതിവ് തുടക്കത്തിനായി പോരാടിയ മാർഷ്യൽ ജനുവരിയിൽ ലോണിൽ സെവിയ്യയിലേക്ക് മാറി, പക്ഷേ നിരാശാജനകമായ ഒരു സ്പെൽ ആയിരുന്നു അദ്ദേഹത്തിന് അവിടെയും ലഭിച്ചത്.
