” ഇനി വരാനിരിക്കുന്നത് അവന്‍റെ നാളുകള്‍ ” – കെയിറ്റക്ക് പിന്തുണയായി ക്ലോപ്പ്
ലിവർപൂൾ മാനേജർ യുർഗൻ ക്ലോപ്പ് ഗിനിയ ഇന്റർനാഷണൽ നബി കെയിറ്റക്ക് മികച്ച ഭാവിയാണ് കാത്തിരിക്കുന്നത് എന്ന് വിശ്വസിക്കുന്നതായി വെളിപ്പെടുത്തി.മെഴ്‌സിസൈഡിൽ എത്തിയതു മുതൽ പരിക്കുകളോടെ മല്ലിട്ടതിന് ശേഷം, കീറ്റ അടുത്തിടെ ക്ലോപ്പിന്റെ മധ്യനിരയിൽ സ്വയം നിലയുറപ്പിച്ചു, കൂടാതെ എഫ്‌എ കപ്പ് സെമി ഫൈനൽ മത്സരത്തിൽ റെഡ്‌സ് മാഞ്ചസ്റ്റർ സിറ്റിയെ 3-2 ന് തോൽപ്പിച്ച താരത്തിന്‍റെ പ്രകടനം വളരെ ശ്രദ്ധേയം ആയിരുന്നു.
“നബി കെയിറ്റക്ക് ലഭിക്കുന്ന വിമര്‍ശനം എന്നെ നിരാശന്‍ ആക്കുന്നു.മുന്‍ കാലങ്ങളില്‍ വേണ്ടത്ര സമയം അവനു ലഭിച്ചിരുന്നില്ല.അതിനാല്‍ അവന്‍റെ പ്രകടനത്തിനു സ്ഥിരതയില്ലയിരുന്നു. എന്നാല്‍ ഇപ്പോള്‍ എല്ലാം ഒത്തു വന്നിരിക്കുന്നു.ജര്‍മനിയില്‍ നിന്ന് ഞങ്ങള്‍ അവനെ വാങ്ങുമ്പോള്‍ അവിടുത്തെ മികച്ച മിഡ് ഫീല്‍ഡര്‍മാരില്‍ ഒരാള്‍ ആയിരുന്നു അവന്‍.ഇപ്പോള്‍ വേണ്ടത്ര അവസരം ലഭിച്ചാല്‍ വീണ്ടും പഴയ ഫോമിലേക്ക് അവന്‍ തിരിച്ചെത്തും.അവന്‍റെ പാര്‍ട്ട്‌ണര്‍ തിയഗോയെ കുറിച്ചും എനിക്ക് പറയാനുള്ളത് ഇത് തന്നെ.” ക്ലോപ്പ് ക്ലബ് പോര്‍ട്ടലില്‍ വെളിപ്പെടുത്തി.
