ഗലാറ്റസരെയെ പരാജയപ്പെടുത്തി ബാഴ്സ ക്വാര്ട്ടറില്
വ്യാഴാഴ്ച നടന്ന യൂറോപ്പ ലീഗിന്റെ റൗണ്ട് ഓഫ് 16 രണ്ടാം പാദ മത്സരത്തില് ബാഴ്സലോണ NEF സ്റ്റേഡിയത്തിൽ 2-1 ന് ഗലാറ്റസരെയെ പരാജയപ്പെടുത്തി.മാർച്ച് 10 ന് ക്യാമ്പ് നൗവിൽ നടന്ന ആദ്യ പാദത്തിൽ 0-0 ന് സമനില വഴങ്ങിയതിന് ശേഷം, ഇസ്താംബൂളിലെ വിജയത്തോടെ ബാഴ്സ ക്വാര്ട്ടറിലേക്ക് കടന്നു.
മാർക്കാവോയിലൂടെ അരമണിക്കൂറിനു തൊട്ടുമുമ്പ് ആതിഥേയർ ലീഡ് നേടി, എന്നാൽ ഇടവേളയ്ക്ക് മുമ്പ് തന്നെ എതിര് ടീം പ്രതിരോധ നിരയെ മൊത്തം കാഴ്ച്ചക്കാര് ആക്കി കൊണ്ട് പെഡ്രി ബാഴ്സക്ക് സമനില ഗോള് നേടി കൊടുത്തു.സ്പാനിഷ് ക്ലബ്ബിൽ നിന്ന് ലോണിൽ ഇറങ്ങിയ ഗലാറ്റസരെ ഗോൾകീപ്പർ ഇനാകി പെനയുടെ രണ്ട് ഗംഭീര സേവുകൾക്ക് ശേഷം പിയറി-എമെറിക് ഔബമെയാങ് രണ്ടാം പകുതിയിൽ മൂന്ന് മിനിറ്റിനുള്ളിൽ ക്ലോസ്-റേഞ്ച് ഹെഡറിലൂടെ ബാഴ്സയെ മുന്നിലെത്തിച്ചു.