European Football Foot Ball Top News

ചെല്‍സിക്ക് വേണ്ടി കളം നിറഞ്ഞ് വെര്‍ണര്‍

March 3, 2022

ചെല്‍സിക്ക് വേണ്ടി കളം നിറഞ്ഞ് വെര്‍ണര്‍

ബുധനാഴ്ച രാത്രി കെനിൽവർത്ത് റോഡിൽ നടന്ന എഫ്എ കപ്പ് അഞ്ചാം റൗണ്ട് മത്സരത്തിൽ ലൂട്ടൺ ടൗണിനെ 3-2ന് തോൽപ്പിച്ച് ചെൽസി ക്വാർട്ടർ ഫൈനലിലേക്ക് കടന്നു.ടിമോ വെർണർ ഒരു ഗോളും രണ്ട് അസിസ്റ്റുകളും നേടി വിജയത്തില്‍ നിര്‍ണായക പങ്കു വഹിച്ചു.2003-ൽ താൻ വാങ്ങിയ ക്ലബ് വിൽക്കുമെന്ന് മത്സരത്തിന് മുമ്പ് ഉടമ റോമൻ അബ്രമോവിച്ച് പ്രഖ്യാപിച്ച ചെൽസിക്ക് സംഭവബഹുലമായ ദിവസമായിരുന്നു ഇന്നലെ.

റഷ്യയുടെ ഉക്രെയ്‌ൻ അധിനിവേശത്തിന് ശേഷം ഉപരോധം ഏർപ്പെടുത്തണമെന്ന വർദ്ധിച്ചുവരുന്ന ആഹ്വാനങ്ങൾക്കിടയിൽ അബ്രമോവിച്ചിന്റെ തീരുമാനത്തെക്കുറിച്ചുള്ള വാർത്തകൾ കിക്കോഫിന് മുമ്പ് തന്നെ ലോകത്തിന്റെ ശ്രദ്ധ ആകര്‍ഷിച്ചു.നിരാശയില്‍ മുങ്ങിയ ചെല്‍സി ആരാധകരെ നിരാശയുടെ പടുകുഴിയില്‍ എത്തിച്ചു കൊണ്ട് രണ്ടാം മിനിറ്റിൽ റീസ് ബർക്ക് ലൂട്ടൺ ടൗണിന് ലീഡ് നേടി കൊടുത്തു.അതിനു മറുപടി ചെല്‍സി നല്‍കിയത് സോള്‍ നിഗസിലൂടെ ആയിരുന്നു.വീണ്ടും ലീഡ് നേടി കൊണ്ട് ലൂട്ടന്‍ ചെല്‍സിയെ സമ്മര്‍ദത്തില്‍ ആക്കി എങ്കിലും രണ്ടാം പകുതിയില്‍ ഓരോ ഗോള്‍  വീധം നേടി കൊണ്ട് വേര്‍ണറും ലുകാക്കുവും ചെല്‍സിയുടെ മുഖം കാത്തു.

Leave a comment

Your email address will not be published. Required fields are marked *